Blog

Al die uitslae: 

Soms word daar in rugby te veel klem op statistieke gelê.

As daar na die spanlyste van Saterdag se Beeld Noordvaal Trofee se eindstryd vir Makroskole tussen die Hoërskool Garsfontein se Turkoois Bere en die HTS Middelburg se Rooi Bulle gekyk word, sal Garsies met vier nasionale skolespelers wiskundig die gunsteling wees om as kampioen gekroon te word.

Albei spanne sal egter ná hul dramatiese seges in die doodsnikke van hul onderskeie halfeindstryde teen Monument en EG Jansen weet dat ’n sege net tussen die vier lyne beklink kan word.

Die Bere se SA Skole-skrumskakel, Embrose Papier, sal soos gewoonlik ’n groot rol in sy span se aanslag speel. Dit is nie net Papier se vernuf op die aanval wat van hom ’n gevaarlike speler maak nie, maar ook die feit dat sy dekverdediging waarskynlik die beste van enige skolespeler in Suid-Afrika is.

Die flank PJ Toerien het verlede jaar die nasionale skolespan verteenwoordig. Die senter Abner van Reenen en slot PJ Steenkamp het vanjaar die SA Skole A-span gehaal. 

Dit terwyl slegs twee van die Rooi Bulle se spelers – hul kantmanne, JC Pretorius en Chrisjan Steynberg, goed genoeg geag is om die Pumas op die Cravenweek in Stellenbosch te verteenwoordig. Die Pumas kon vir die tweede
jaar in ’n ry nie daarin slaag op ’n wedstryd in die toernooi te wen nie.

Pretorius word in Middelburg as die volgende Kwagga Smith beskou, wat ook ’n oud-leerling van dié skool is. Hy sal volgende week saam met die SA Skole se sewesspan na Samoa vir ’n toernooi vertrek. Pretorius se vennootskap met Steynberg en sy kaptein en agtsteman, Eric Basson, as lostrio is een van HTS Middelburg se sterkpunte. 

Garsies het vyf spelers in hul geledere wat in die beginspan vir verlede jaar se Beeldtrofee-eindstryd teen die Hoërskool Nelspruit se Rhinos in aksie was. Die Rhinos was met 20-19 baas.

Die vyf spelers is Shakeel Fredericks, Ruan Henning, JP Wegner, Toerien en Jaco Bezuidenhout. Wegner het sy staal onder druk gewys deur die deurslaggewende strafdoel in die sege van 37-36 oor Monnas met selfvertroue oor te klits.

Wegner het die afgelope twee jaar reeds 299 punte vir sy skool se eerste span opgestapel. As Garsies se kaptein en slot, Jaco Bezuidenhout, die trofee omhoog hou, sal hy die eerste kaptein
van sy skool wees wat dít doen.

HTS Middelburg was nog net een keer, in 1991, die alleenhouer van die beker. Die Rooi Bulle onder leiding van hul agtsteman, Japie Kleynhans, het Menlopark tóé met 18-10 in die eindstryd van die Direkteurstrofee verslaan.

Gunder Williamson, wat die kampioen se vaskopstut was, het lank eersterangse rugby vir onder meer die Valke, Blou Bulle en Luiperds gespeel.

Die Rooi Bulle het in 1995 met die eerste Beeldtrofee eindstryd met 24-elk gelykop teen Affies gespeel.
Die skool was ook in vier eindstryde in 1996, 1997 en 2001 teen Affies en in 2003 teen Waterkloof
aan die verloorkant.

	Founded:	1967
	Motto:	Seek and Build
	Website:	www.hspresident.co.za
	Teams:	2015.

President High School was founded in 1967 in the South of Johannesburg after the influx of Afrikaans speaking people to the City of Gold. The local Afrikaans school, Die Fakkel, became too small which saw a new school see the light. It was named President in 1969.

Lanklaas is albei dié halfeindstryde van die Beeld Noordvaal Trofee vir Makroskole op so ‘n dramatiese manier soos gister beslis. HTS Middelburg en Hoërskool Garsfontein het albei ‘n afspraak met mekaar in vanjaar se eindstryd bespreek terwyl die vet dame reeds besig was om haar stem op te warm.

HTS Middelburg se Rooi Bulle het in Boksburg vir EG Jansen met 43-41 geklop danksy twee drieë in die laaste minuut van die kragmeting. Die Rooi Bulle het egter in wittruie gespeel wat hulle inderhaas Maandag moes bestel om nie met EG Jansen se trui te bots nie.

Met slegs ‘n minuut oor op die skeidsregter, Jaco Pretorius, se horlosie het die vleuel, Zander Joubert, gaan druk. Dié drie is deur die losskakel, Brandon Par-Bailey, verdoel om die telling tot 41-36 in die tuisspan se guns te bring. Die beweging na die afskop was die laaste van die wedstryd en die Rooi Bulle se agtsteman en kaptein, Eric Basson, het sy driekuns voltooi om die wedstryd vir sy span te beklink.

EG Jansen het op ‘n stadium ‘n stewige voorsprong van 34-14 geniet. Die eindstryd sal HTS Middelburg se sewende in die geskiedenis van die kompetisie wees. Interresant is dat hy in al sy vorige eindstryde ook teen spanne van Pretoria kragte gemeet het.

Min mense sou hulle geld daarop verwed dat Garsfontein in vanjaar se eindstryd sou wees, na Monnas ‘n meer as stewige voorsprong in van 36-10 opgebou het.

Garsies se binnesenter, JP Wegner, het met speeltyd reeds verstreke ‘n strafdoel sekuur tussen deur die pale gejaag om aan sy span ‘n naelskraapse sege van 37-36 te besorg.

Die terugvegpoging is deur die SA Skole-skrumskakel, Embrose Papier, in die laaste tien minute aangevuur. Garsies het vier drieë, twee elk deur sy senter Abner van Reenen en plaasvervanger-vleuel Clayton Africa, in die tydperk gaan druk om die sege moontlik te maak.

Die span van Krugersdorp het spel in die grootste gedeelte van die wedstryd oorheers. Die span van sy senior-spelers soos die agtsteman, Len Massyn, haker en kaptein Justin Brandon en losskakel, Xander Kruger, afgehaal om hulle vir ‘n moontlike eindstryd te spaar.

Dit sal Garsies se tweede verskyning in die eindstryd wees, na hulle verlede jaar teen die Hoërskool Nelspruit met 20-19 in die eindstryd vasgeval het.

Puntemakers:

HTS Middelburg 43 (7) – Driee: Eric Basson (3), Ruan Ludick, Johandre Olckers, Ryan Cloete, Zander Joubert. Doelskoppe: Brandon Par-Bailey (4). EG Jansen 41 (15) – Driee: Dillon Robus, Irvin Ali, Brandon Swartz, Warren Brits, Edwin Jansen, Erich Cronje, Rouxbann Baumann. Doelskoppe: Xander Crause (3). 

Garsfontein 37 (10) – Driee: Abner van Reenen (2), Clayton Africa (2), Luke Fortuin. Doelskoppe: JP Wegner (2), Embrose Papier. Strafdoele: Wegner (2). Monument 36 (26) – Driee: Nathan McBeth, Xander Kruger, Len Massyn, Franco Tiedt, Ivan Smit. Doelskoppe: Kruger (4). Skepdoel: Kruger.