![\"\"](\"https:\/\/rugby.supersportschools.com\/wp-content\/uploads\/2023\/03\/Skolerugby-Voortrekker-Helpmekaar-300x200.jpg\")
MAKHANDA. \u2013 Die 2023-skolerugbyseisoen is nog in sy babaskoene, maar dit is reeds duidelik dat daar nie met absolute sekerheid bespiegel kan word wie vanjaar die voorste skolespan is nie.<\/p>\nMAKHANDA. \u2013 Die 2023-skolerugbyseisoen is nog in sy babaskoene, maar dit is reeds duidelik dat daar nie met absolute sekerheid bespiegel kan word wie vanjaar die voorste skolespan is nie.<\/p>\n
Die Ho\u00ebrskool Durbanville het gewys dat hy die Bul van Porterville se Bulfees is deur die Ho\u00ebr Jongenskool Paarl naelskraaps met 26-25 in die doodsnikke van die hoofwedstryd van die dag te verslaan.<\/p>\n
Durbies se Shaun Klein het met minder as \u2018n minuut oor met \u2018n strafdoel geslaag om aan sy span di\u00e9 geskiedkundige oorwinning te besorg. Die losskakel het boonop 21 van sy span se punte in die sege aangeteken.<\/p>\n
Klein het een van sy span se twee drie\u00eb gedruk, albei vervyf en ook vier strafdoele tussen deur die pale gejaag.<\/p>\n
Dit was veral in die lynstane asook die skrums waar Durbies daarin geslaag het om Boishaai te ontwrig. Die twee fassette is tradisioneel die span van die Paarl se sterkpunte.<\/p>\n
Durbies se kaptein en flank, Evert Bouwer, was uitstaande voorlangs en het veral in die lynstane die aanslag gelei.<\/p>\n
Een van die ander aanspraakmakers om vanjaar die land se voorste skolespanne te wees, Paarl Gimnasium, moes sweet om vir Stellenberg met 24-23 te klop.<\/p>\n
Gimmies se skrumskakel, Dawid Kotze, het \u2018n driekuns aan drie\u00eb behaal, maar dit was amper nie genoeg op die Jade Brigade in toom te hou nie.<\/p>\n
Stellenberg se binnesenter, Ruben Thompson, het met sy skopskoen sy span in die kragmeting gehou.<\/p>\n
Gimmies kom eerkomende Vrydag teen Grey-kollege tydens die jaarlikse Noord\/Suid-toernooi in Pretoria te staan.<\/p>\n
Dalk het die span van die Paarl probeer om nie al hul kaarte reeds teen Stellenberg op die tafel te sit nie.<\/p>\n
Grey was in Makhanda tydens Graeme College se fees ter viering van hul 150ste bestaansjaar in aksie. Die span van die Rosestad het vir Marlow Landbou (52-12) en St Andrew\u2019s College (48-0) met gemak afgestof.<\/p>\n
Grey het ook nie te veel van sy planne tydens die seges weggegee nie. Die span se vaskopstut, Jean Erasmus, het wel gewys hoe gevaarlik hy kan wees indien hy die bal onder die arm vasknyp en in albei wedstryde dubelle driedruk-plesier ervaar.<\/p>\n
Grey se binnesenter, Pieter van der Merwe, het ook gewys in Makhanda waartoe hy in staat is wanneer die agttal onder een kombers en op die voorvoet is.<\/p>\n
\u2018n Unieke geleentheid het in die eerste wedstryd teen die Wolramme van Marlow plaasgevind met Jean-Henri Smith wat teen sy pa se ou alma mater gewys het dat hy net so kliphard is. Sy vader Philip Smith het die Springbokke in 1998 verteenwoordig.<\/p>\n
Rondebosch Boys\u2019 High het vir die eerste keer in jare na Riversdal gereis en toe boonop die Bulle van Oakdale Landbou met 24-18 verslaan.<\/p>\n
Durban High School was met 14-7 baas in \u2018n strawwe eerste Premier Interschools teen Maritzburg College. Jim Fouch\u00e9 sal nie te ontevrede na sy gelykop-uitslag van 31-elk teen Secunda wees nie.<\/p>\n
In die NWU Prestige-reeks sal die span wat die kroon wil dra eers verby die Ho\u00ebrskool Noordheuwel moet kom. Die Nories het sy laaste groepwedstryd van die reeks vir Potchefstroom Volkskool met 54-0 afgestof.<\/p>\n