{"id":92434,"date":"2026-03-27T19:40:56","date_gmt":"2026-03-27T17:40:56","guid":{"rendered":"https:\/\/ssschoolsplus.co.za\/?p=92434"},"modified":"2026-03-27T19:40:56","modified_gmt":"2026-03-27T17:40:56","slug":"klofies-se-vaart-agterlangs-troef-diamonds-donkies-ook-te-vlugvoetig-vir-eg-jansen","status":"publish","type":"post","link":"https:\/\/test.ssschoolsplus.co.za\/?p=92434","title":{"rendered":"Klofies se vaart agterlangs troef Diamonds, Donkies ook te vlugvoetig vir EG Jansen"},"content":{"rendered":"

\"\"<\/p>\n

Die Ho\u00ebrskool Waterkloof<\/strong> het net oor te veel vaart agterlangs beskik vir Diamantveld op die eerste dag van die jaarlikse NMI Toyota Noord\/Suid-toernooi<\/strong> in Pretoria.<\/p>\n

Die Klofies het gemaklik met 45-7 as oorwinnaars van die veld gestap, nadat hulle reeds teen rustyd ‘n stewige voorsprong van 28-7 geniet het.<\/p>\n

Dit was veral die heelagter, Alexander Griesel<\/strong>, wat die Diamonds se verdediging met sy vaart probleme besorg het.<\/p>\n

Hy het vanaf ‘n middelskrum net buite Klofies se kwartgebied weggebreek en die linkervleuel, Jacques Janse van Rensburg<\/strong>, vir die span van Pretoria se eerste drie weggestuur.<\/p>\n

Janse van Rensburg het in die tweede helfte ook gaan druk. Griesel asook die regtervleuel, Gustav Mienie, het elk ook ‘n draai agter die doellyn gemaak.<\/p>\n

Waterkloof se rotsvaste verdediging het ook bygedra tot die feit dat die span van Kimberley nie meer punte kon aanteken nie. Voorlangs het die slot Philip Mans<\/strong> en flank Hugo Dercksen<\/strong> goeie vertonings opgedis.<\/p>\n

Vir Diamonds was niemand beter as sy buitesenter, Clinton Brits<\/strong>, nie. Hy het nooit moed opgegee nie en is ook met ‘n drie vir sy moedige vertoning beloon.<\/p>\n

Diamantveld het vroe\u00ebr vanjaar vir Monument van Krugersdorp met 36-35 getroef. Die Klofies sal dus meer as tevrede voel met hul vertoning.<\/p>\n

HTS Drostdy<\/strong> se agterste driehoek het ook oor te veel skietgoed vir EG Jansen<\/strong> van Boksburg beskik. Die Donkies het die kragmeting met 43-24 gewen.<\/p>\n

Die wenspan se heelagter, Anwill Jacobs<\/strong>, was aan die spits van sy span se aanslag. Hy het ook twee keer agter die Jansies se doellyn gaan kuier. Die twee vleuels, Darren Makeza<\/strong> en Tristan Syster<\/strong>, het ook nog drie drie\u00eb tussen hulle tot die sege bygedra.<\/p>\n

Die flank Werno Ramsauer<\/strong> is welverdiend as Speler van die Wedstryd aangewys. Sy werksverrigting was merkwaardig en hy het ook ‘n hele paar keer oor die voordeellyn gebars.<\/p>\n

Vir die Jansies het sy regtervleuel, Werner Breytenbach<\/strong>, twee keer kort na mekaar vroeg in die tweede helfte ook ‘n draai agter die doellyn gemaak. Die span se flank Jaco Engelbrecht<\/strong> verdien ook ‘n klop op die skouer.<\/p>\n

Puntemakers:\u00a0<\/strong><\/p>\n

HTS Drostdy 43 (29) –<\/strong> Tries: Anwill Jacobs (2), Darren Makeza (2), Werno Ramsauer, Tristan Syster. Conversions: Jano van Deventer (5). Penalty: Van Deventer.\u00a0 EG Jansen 24 (5) –<\/strong> Tries: Werner Breytenbach (2), Jaco Engelbrecht, Aljay Olivier. Conversions: Renaldo October, Juan van Aswegen.<\/p>\n

Waterkloof 45 (28) –<\/strong> Tries: Jacques Janse van Rensburg (2), Alexander Griesel, Gustav Mienie, Mieder Erasmus, Stiaan Theron, Penalty Try. Conversions: Liam Schutte (4). Diamantveld 7 (7) –<\/strong> Try: Clinton Brits. Conversion: JG van Heerden.<\/p>\n