Blog

Indien Dr. EG Jansen van Boksburg vandag in die eindstryd van die Virseker Beeldtrofee vir Makroskole (o.19) daarin slaag om die Hoërskool Garsfontein te weerhou om sy titel te verdedig sal dit ’n geval van derde keer is skeepsreg wees.

Die Jansies het vanjaar al twee keer met die Bere van Garsfontein afgereken. Albei kere was tydens die Tuks-reeks (o.18) waarin EG Jansen die opwindende tweestryde met onderskeidelik 40-33 en 39-26 gewen het. Die eindstryd vandag op Berepark in die Jakarandastad beloof dus om ’n skouspel te wees.

Garsfontein het Dinsdag sy plek in die eindstryd vir ’n derde agtereenvolgende jaar met ’n indrukwekkende sege van 35-20 oor Monument bespreek. Die span het ’n duur prys vir dié sege behaal omdat hy nou sonder sy general, Austin Davids, moet speel. Die losskakel het ’n rooikoort vir ’n kopstamp gekry en is vir ’n week geskors.

Garsfontein en Davids het appel teen die skorsing aangeteken na die speler wat hy glo na bewering met die kop geslaan het, Reyno Potgieter, in ’n boodskap gesê het dat dit nie die geval was nie. Die tugkomitee van die Blou Bulle se Skolevereniging kon op videomateriaal geen bewyse van die oortreding sien nie, maar het ook beslis dat hy ook nie kan sien op die beeldmateriaal dat dit wel nie die geval was nie.

Die Blou Bulle se plaasvervanger-skrumskakel tydens die Cravenweek, Calderon Levens, sal Davids se toks in die eindstryd moet volstaan. Levens was wel in die Tuks-reeks saam met die manjifieke Embrose Papier Garsies se tweedespan se skakelpaar. Papier het in 2014 en 2015 die nasionale skolespan verteenwoordig en het vanjaar die Jong Bokkies (o.20) in die Wêreldkampioenskap verteenwoordig.

Garsies se twee SA Skole-spelers, Emillio Adonis en PJ Steenkamp, is wel weer terug na beserings. Steenkamp sal ook die span vanaf slot aanvoer. Hy het laas vir die Turkoois Bere tydens die Wildeklawer-toernooi teen Grey-kollege gespeel.

Jansies se losskakel, Ruben Beytell, sal fyn deur die tuisspan dopgehou moet word. Beytell het vanjaar al 28 keer die doellyn vir sy skoolspan oorgesteek. Sy skakelmaat en onderkaptein van die span, Ginter Smuts, het vanjaar al 211 punte opgestapel. Hy het ook tien keer die doellyn oorgesteek.

As Garsies se agttal met sy hardebaarde soos die haker Bees Ferreira, stut Hendré Eloff, agtsteman Luke Fortuin en flank Ryno Pieterse hul span op voorvoet kan kry behoort Garsies se titel te behou. Jansies sal hoop dat sy skakelpaar genoeg beweegruimte deur Garsies se verdediging gegun word sodat hul die spel kan dikteer. Die besoekers het in sy buitesenter, Lee-Irvin Anderies, ’n uitstekende aanvallende speler.

Die spanne is:

Garsfontein: Shaun Williams, Emelio Adonis, Abner van Reenen, Wesley Thompson, Henk de Leeuw, Calderon Levens, Embrose Papier, Luke Fortuin, Ryno Pieterse, Stephan Smit, PJ Steenkamp (k), Jordan van Dyk, CJ Steinhöbel, Bees Ferreira, Hendré Eloff. PLAASVERVANGERS: Dristen Bezuidenhout, Adriaan Pretorius, Keanu Prinsloo, Wickus Opperman, Carl du Plessis, Divan de Clerk, Tiaan Thysse, Bjorgan Hendricks.

EG Jansen: Franco van Eeden, Quinton Beaton, Lee-Irven Anderies, Henry Pike, Dwayne Fourie, Ruben Beytell, Ginter Smuts, André Meyer, Dylan Engelbrecht, Ruben Roodt, Francois du Preez, Dominic McArthur, André van der Merwe, Werner Fourie (k), Rehann Baumann. PLAASVERVANGERS: Werner Landman, Janus Venter, Johan Botes, Reinhard Venter, Ruann Kruger, Keenan Oelofse, Dylan Jordaan, Franklin Wagner, Carsen Koekemoer, Laurandt Pepler.

Skeidsregter: Gerrie de Bruin.

Die eindstryd van die Virseker Beeldtrofee vir Grootskole vandag in Lichtenburg is Helpmekaar-kollege van Johannesburg sin om te verloor.

Helpies is die verdedigende kampioen en het boonop twee keer vanjaar met die Hoërskool Garsfontein, wat vandag sy titel as kampioen vir Makroskole verdedig, met 24-17 en 23-22 afgereken. Die span van die Goudstad het ook vir Monument van Krugersdorp vanjaar met 30-15 geklop. Monnas het in die halfeindstryd van die Makroskole-afdeling teen Garsfontein (20-35) vasgeval.

Die Hoërskool Lichtenburg se blou masjien is egter ’n meer as waardige teenstander in die eindstryd en kan nie gering deur Helpies geskat word nie. Die Liggies is vanjaar as kampioen van die Pukke se Prestige-reeks gekroon toe hy Noordheuwel in die eindstryd met 37-3 gekarnuffel het.

Buiten die tuisveldvoordeel wat in Liggies se guns tel het die span boonop in die kwarteindronde en halfeindronde belangrike momentum in sy sege oor die Hoërskool Pietersburg (43-36) en Vereeniging Gimnasium (48-17) opgebou.

Dit terwyl Helpmekaar teen Oos-Moot (30-18) en Ligbron (27-15) harder vir sy seges moes werk as wat die tellings aandui.

Helpies se SA Skole A-flank, Mark Snyman, het ’n trotse rekord in eindstryde van die Beeldtrofee wat hy graag in Lichtenburg lewend wil hou.

Snyman het van 2013 tot 2014 nog elke keer in die eindstryd van die Beeldtrofee vir die o.14-, o.15- en o.16-eindstryde as Speler van die Wedstryd aangewys. Helpies is mos hom in sy geledere nog elke keer as kampioen gekroon.

Snyman het sy span se seges in die kwarteindronde en halfeindronde teen onderskeidelik Oos-Moot (30-18) en Ligbron (27-15) weens sy verpligtinge saam met die nasionale skolespan se naasbestes misgeloop.

Snyman is ondanks dié feit steeds met 13 drieë sy span se voorste driedrukker. Die stryd tussen Snyman en Liggies se kaptein en flank, Gerhard Meyer, behoort een van die hoogtepunte van die wedstryd te wees.

Helpies se Cravenweek-heelagter, Chuiner van Rooyen, is op die aanval een van die mees opwindendste speler op skolevlak in die land.

Van Rooyen het vanjaar reeds 205 punte in sy skoolspan se 18 wedstryde aangeteken.

Liggies se agterste driehoek is net so gevaarlik. Die heelagter, Donovan Serfontein, en twee vleuels, Henk Venter en Bertru Jones, het saam al 33 keer ’n draai agter die doellyn vanjaar gemaak.

Hoewel Helpies se oorspronklike kaptein en verlede jaar se Cravenweek-haker van die Leeus, Tiaan van der Merwe, meeste van die tyd langs die kantlyn moes deurbring het die skool in Dameon Venter ’n speler wat sy kaptein se nommer twee trui met ywer dra. Die flank Tiaan Scholtz het die span ook in Van der Merwe se afwesigheid met onderskeiding gelei.

Die spanne is:

Lichtenburg: Donovan Serfontein, Bertru Jones, Boeshie van der Walt, Lohann Jahns, Henk Venter, Evardi Boshoff, Rabie van Zyl, Anthony Keen, Gerhard Meyer (k), Henco Nel, Johann Kotze, Corno Lubbe, Craivian Smith, Christo Badenhorst, Pieter Caroll. PLAASVERVANGERS: Marcu Swart, Dian Pretorius, SW Conradie, Christopher Zandberg, Liam Rothmann, Janco Schickerling, Renco van Huysteen, Dries Rall.

Helpmekaar: Chuiner van Rooyen, Jeremy Randell, Keegan Hamman, Zandré Kruger, David Cary, Tristan Oosthuizen, Ruhan Viviers, Liam van den Berg, Tiaan Scholtz (k), Mark Snyman, Robbie Slabbert, Luwan Ludick, Michael Long, Dameon Venter, Marco Sharp. PLAASVERVANGERS: Triston Venter, Deon Gelderblom, Lehan du Toit, Chris Pietersen, Daniel Coetzee, Dylan Meyer, Sherman Rayners, Tommy van Tonder.

Wanneer Schweizer-Reneke en Zeerust se eerstespanne vandag in die eindstryd van die Virseker Beeldtrofee vir Middelskole op die veld draf kan die toeskouers en ondersteuners hul gereed maak vir ’n rillerstryd.

Die gasheer, Schweizer-Reneke, het Zeerust sy enigste nederlaag vanjaar toegedien toe hy hom met 22-15 in die eindstryd van die Luiperd-liga verras het. Zeerust het die ligawedstryd tussen die twee spanne met 36-28 gewen.

Zeerust het in sy 15 wedstryde tot dusver 689 punte opgestapel en slegs 107 afgestaan. Dit is ’n gemiddelde sege van 46-7. Die span se agtsteman, SP Vermaak, sal fyn deur die tuisspan dopgehou word. Hy het vanjaar al 19 keer in 15 wedstryde oor die doellyn geskuif. Die binnesenter, Karel Loots, beleef self ’n uitstekende seisoen. Loots het vanjaar al 212 punte opgestapel wat 12 drieë insluit. Hy vorm boonop saam met Casper Fick ’n gedugte kombinasie in die middelveld. Fick het vanjaar al 16 keer ’n draai agter die doellyn gemaak.

Schweizer-Reneke het ’n skoppende haker in Eugene van Rensburg. Hy het as stut saam met sy vaskopstut, Lombard Joubert, na afloop van die jaarlikse VKB-week in Reitz die “nasionale platteland-span” gehaal. Die span sal later vanjaar deur Wallis toer. Die kantman Dané van den Berg het ook dié span gehaal. Van den Berg en die agtsteman, Marco Botha, se taak sal wees om Vermaak te tem. Zeerust se woelige haker, Conor O’Brien sal ook saam na Wallis toer.

’n Verdere drie seuns van Schweizer-Reneke LJ Mulder (kaptein en skrumskakel), Tshepiso Mokwatsi (heelagter) en Katlego Mokhuthu (slot) het ook die Luiperds op die nasionale Akademie-week in Durban verteenwoordig.

Zeerust het in sy uitspeelwedstryde van die reeks slegs teen die verdedigende kampioen, President van Johannesburg (25-7), in die kwarteindronde punte afgestaan. Hy het ook verlede jaar se naaswenner van die reeks Pretoria THS (55-0) in ’n uitspeelwedstryd uitgeskakel. Zeerust was in die halfeindstryd in nog ’n vernietigender bui toe hy Steelcrest van Middelburg met 62-0 afgeransel het.

Schweizer-Reneke het sy plek in die eindstryd met ’n oorwinning van 24-12 oor Carletonville bespreek. In die kwarteindronde het hy vir Eric Louw van Musina (46-22) uitgeskakel.

Die spanne is:

Schweizer-Reneke: Tshepitso Mokwatsi, Ru-han de Bruin, JP Becker, Armandt Naudé, WP Einkamerer, Hercu Strydom, LJ Mulder (k), Marco Botha, Dané van den Berg, Shawn van Jaarsveld, Katlego Mokhuthu, Janco Maass, Lombard Joubert, Eugene van Rensburg, Kobus Fourie. PLAASVERVANGERS: Pieter van Zyl, Dries Badenhorst, NJ Niemann, Braam Jacobs, Hernus Nel, Tebogo Sebolai, Fanie Cloete, Quintus Nel.

Zeerust: Hansie Nortjé, Heydran Jaegers, Casper Fick, Karel Loots, Panatshego Mashabe, Michael Taljaard, Marno Nel, SP Vermaak, Ryan Kassanga, Tshepang Ratshikana, Roux Dreyer, Andries Knoetze, Thebogo Rakate, Conor O’Brien (k), Tshepo Ratshikana. PLAASVERVANGERS: Adrian Theodossi, CJ Kirstein, Shaun Smit, Tshiamo Makgokgoa, Tlotlo Motale, Bowen van As, Donovan Cordier.

Garsfontein se eerste rugbyspan sal vir die derde agtereenvolgende jaar in die eindstryd van die Virseker Beeldtrofee vir Makroskole in aksie wees.

Garsies het Monument op die Ras van Rooyen-veld hier met 35-20 in die halfeindstryd van die reeks verslaan. Die besoekers het teen rustyd reeds ’n voorsprong van 22-8 opgebou.

Monnas het lusteloos vertoon en die SA Skole-wedstryde het duidelik baie uit sy kaptein en haker, PJ Botha, en loskopstut, Nathan McBeth, geneem. Die twee het nie dieselfde spel opgedis wat aan hulle nasionale skolebaadjies in die kas besorg het nie. Dit was die legendariese skoleafrigter, Hans Coetzee, se laaste wedstryd as Monnas se breier.  

Garsies sal Saterdag op sy tuisveld in Pretoria sy titel as kampioen van die Makroskole teen EG Jansen van Boksburg verdedig.

Bees Ferreira, haker van Garsfontein, het die veld vol gespeel. Hy het met goeie opvolgwerk die aanvoorwerk vir die vaskopstut, Hendré Eloff, se drie gedoen. Steinhöbel en Garsies se kaptein en agtsteman, Luke Fortuin, was saam met Ferreira die beste voorspelers op die dag.

Agterlangs was niemand beter as Garsies se binnesenter, Wesley Thompson, nie. Hy het amper na willekeur bresse in Monnas se verdediging geslaan. Hoewel die SA Skole-skrumskakel, Embrose Papier, een van sy stilste wedstryde beleef het, het hy die aanvoorwerk vir Thompson se drie met ’n skitterende breekslag gedoen.

Vir Monnas kan sy plaasvervanger-heelagter, Bakkies Potgieter, en die slot, Ruan Vermaak, tevrede met hul vertonings voel.

Garsfontein se twee junior-spanne (o.14 en o.16) het ook hul plekke in die eindstryd bespreek. Garsies  se o.14-span het sy eweknie van Monnas naelskraaps met 15-14 geklop. In die o.16-halfeindstryd het Garsfontein ook die sege met 15-12 van Monnas af gegaps.

In die halfeindstryd tussen EG Jansen en Waterkloof se o.15-spanne het eersgenoemde met 29-18 sy plek in die eindstryd bespreek. Die twee spanne moes hul wedstryd oorspeel na hul Saterdag met gelykop gespeel het sonder dat enige van hulle punte kon aanteken.

Puntemakers:

Garsfontein 35 (22) – Drieë: Austin Davids, Luke Fortuin, Wesley Thompson, Hendré Eloff. Doelskoppe: Davids (2), Thompson. Strafdoele: Davids (3). Monument 20 (8) – Drieë: Bakkies Potgieter (2), PJ Botha. Doelskop: Xander Kruger. Strafdoel: Kruger.  

In 2015 the Danie Craven Stadium played host to the first edition of the Steinhoff Maties Rugby Top Schools Tournament. The tournament was formerly known as Die Burger Rugby Competition for High Schools and had been played between schools from the Boland, Western Province, South Western Districts and Eastern Province.

The tournament will have a new format for 2016. It will be an invitational tournament, with 10 teams in action in five action packed matches. The date will be Saturday 27 August and the venue will be the world famous Danie Craven Stadium in Stellenbosch.

The aim for the day is the following:

• Introducing a new generation of players to the Matie experience;
• Building a strong relationship with locally based schools to facilitate the Club’s goal of keeping the best players in the province;
• Identifying grade 11 learners who can be assisted with academic guidance and tracked throughout their matric year, both in terms of rugby and application status;
• Gathering the information of matric pupils who have applied to the University, so that they can be included in the planning for the subsequent season.

Fixtures:

09:30 Danie Craven Stadium – New Orleans vs Worcester Gim;
09:30 B Field – Stellenbosch High vs Groenberg
10:45 Danie Craven Stadium – Augsburg vs Overberg
10:45 B Field – Vredendal vs Klein Nederburg
12:00 Danie Craven Stadium – Drostdy vs Brandwag