Author: slabuschagne

Die NWU Prestige-reeks het die afgelope naweek weer netbal van die hoogste gehalte gelewer met Zwartkop en Heidelberg Volkskool wat die meeste oorwinnings behaal het, terwyl Montana en Marais Viljoen feitlik ewe veel wedstryde gewen het.

Marais Viljoen het sewe wedstryde teen Montana gewen en agt verloor, met een gelykopuitslag. Dit was inderdaad strawwe mededinging, met Marais Viljoen wat die pyp gerook het in ‘n paar sleutelwedstryde in die hoër ouderdomsgroepe. Montana se eerste span het egter in die hoofwedstryd geseëvier met 41-35.

Klerksdorp het nie ‘n goeie dag teen Zwartkop beleef nie, met slegs een oorwinning. Dit was nietemin ‘n baie belangrike sege – in die o.19 A-wedstryd, waar die span van Noordwes met 27-23 getriomfeer het. Zwartkop het sewe wedstryde gewen, wat hul algehele oorheersing beklemtoon het.

Die eerstespan-kragmeting tussen Heidelberg Volkskool en Pietersburg het ook ‘n titaniese stryd afgegee, met Volkies wat uiteindelik dié naelbytstryd met 22-21 gewen het.

Vir die derde agtereenvolgende naweek het PHS se kaptein, Kylie Campbell, gewys waarom sy ‘n sleutelspeler is, met haar kragtige en konsekwente spel op beide aanval en verdediging. Tumelo Nkwana het ‘n uitstaande rol vervul met haar akkurate balverspreiding en doeltreffende spel vanaf senter, terwyl Amoré Duvenage haar waarde bewys het met ‘n indrukwekkende doelgemiddeld van 89%. Op verdediging was Ruth Hall ook ‘n veilige laaste vesting.

Die Pieties het ‘n verbete stryd opgesit, maar moes in die laaste 20 sekondes die knie buig teen ‘n uiters sterk opponent, wat die mededingende aard van die Prestige-reeks weereens onderstreep het.

Al die uitslae:

o.19: Montana 41, MV 35; Klerksdorp 27, Zwartkop 23; Heidelberg Volkskool 22, Pietersburg 21.

o.17: MV 29, Montana 20; Klerksdorp 14, Zwartkop 19; Pietersburg 13, Heidelberg Volkskool 20.

o.16: MV 25, Montana 19; Klerksdorp 16, Zwartkop 23; Pietersburg 24, Heidelberg Volkskool 6.

o.15: MV 14, Montana 17; Klerksdorp 13, Zwartkop 22; Pietersburg 25, Heidelberg Volkskool 13.

o.14: MV 22, Montana 15; Klerksdorp 14, Zwartkop 18; Pietersburg 13, Heidelberg Volkskool 15.

Die NWU Prestige-reeks het nóg ‘n aksiebelaaide ronde van netbalwedstryde opgelewer, met Montana en Marais Viljoen wat, oor ál die ouderdomsgroepe heen, uitgestaan het in hul kragmetings met Jeugland en Hoërskool Lichtenburg.

Montana het in die wedstryde teen Jeugland benadruk hoekom hulle as een van die top-netbalskole beskou word. Hulle het nege van die 10 wedstryde gewen en in verskeie van dié kragmetings groot tellings opgestapel. Die o.17 A-span het met ‘n telling van 42-10 beïndruk, terwyl die eerste span ook gemaklik met 45-14 die botoon gevoer het.

Jeugland se enigste oorwinning was in die o.17 B-wedstryd, waar die span van Kempton Park met 18-9 die paal gehaal het. Daar is beslis potensiaal in die jonger ouderdomsgroepe, maar Montana se oorheersing op die dag was onmiskenbaar.

Marais Viljoen het ‘n perfekte rekord in hul wedstryde teen Lichtenburg opgestel deur in ál 10 wedstryde te seëvier. MV was oorweldigend in die o.17 A-wedstryd, met ‘n massiewe telling van 50-8, terwyl die o.19 B-span met 47-5 hul stempel afgedruk het.

Die eerste span het strawwer mededinging teëgekom, maar sterk genoeg vertoon om steeds met 30-20 die oorwinning te behaal. Dit was ‘n sege geskoei op uitmuntende spanwerk, akkurate balhantering en ‘n puik verdediging, terwyl die jonger spanne se ewe indrukwekkende vertonings verder dui op ‘n blink toekoms.

Al die uitslae:

o.19: Montana 45, Jeugland 14; Marais Viljoen 30, Lichtenburg 20.

o.17: Montana 42, Jeugland 10; Marais Viljoen 50, Lichtenburg 8.

o.16: Montana 21, Jeugland 17; Marais Viljoen 25, Lichtenburg 12.

o.15: Montana 24, Jeugland 16; Marais Viljoen 25, Lichtenburg 5.

o.14: Montana 20, Jeugland 5; Marais Viljoen 25, Lichtenburg 14.

Hoër Volkskool Potchefstroom, Wesvalia en Potchefstroom Gimnasium het as die sterkste spanne na vore getree tydens die afgelope naweek se netbalaksie in die NWU Prestige-reeks.

Die reeks wedstryde tussen Potch Volkies en Bergsig was uiters mededingend, met die twee skole wat mekaar met mening uitgedaag het.

Volkies het op die einde van die dag die oorhand verkry met vyf oorwinnings uit nege wedstryde, insluitende die belangrike o.19 A en B-wedstryde. In die eerstespan-kragmeting het hulle naelskraaps met 28-25 die botoon gevoer. Bergsig kan nietemin trots voel met oorwinnings in die o.14 B, o.15 B, o.16 B en o.17 A-wedstryde, wat wys dat hul jonger spanne groot potensiaal toon.

Wesvalia het die ontmoeting met Wagpos oorheers deur agt van die 10 wedstryde te wen. Valia het verál indrukwekkend vertoon in die o.16 en o.15-afdelings, waar hulle groot tellings opgestapel het. Wagpos het egter ‘n paar blink oomblikke beleef, vernaam in die o.19 B-kragmeting, waar hulle ‘n naelbytstryd met 10-9 deurgetrek het.

Potchefstroom Gimnasium het skoonskip gemaak teen Die Anker deur in ál 10 wedstryde as oorwinnaars uit die stryd te tree. Hulle oorwinning met 58-1 in die o.17 B-wedstryd was een van die grootste tellings van die dag en het hul oorheersing en diepte, regdeur al die ouderdomsgroepe, beklemtoon.

In die eerstespan-wedstryd het Die Anker met 10-38 die onderspit gedelf teen die talentvolle Gimmies.

Al die uitslae:

o.19: Potch Volkskool 28, Bergsig 25; Wesvalia 29, Wagpos 19; Potch Gim 38, Die Anker 10.

o.17: Potch Volksool 12, Bergsig 17; Wesvalia 23, Wagpos 15; Potch Gim 26, Die Anker 6.

o.16: Potch Volkskool 25, Bergsig 16; Wesvalia 40, Wagpos 6; Potch Gim 36, Die Anker 15.

o.15: Potch Volkskool 22, Bergsig 18; Wesvalia 35, Wagpos 6; Potch Gim 26, Die Anker 10.

o.14: Potch Volkskool 22, Bergsig 15;  Wesvalia 28, Wagpos 8; Potch Gim 28, Die Anker 20.

Die afgelope naweek het vier top-netbalskole mekaar die stryd aangesê in die NWU Sportreeks, met Oos-Moot, Ben Vorster, Eldoraigne en Piet Retief wat gesorg het vir volop uitmuntende en spannende netbalaksie.

Ben Vorster en Eldoraigne het onderskeidelik die meeste oorwinnings behaal, maar die mededinging was oorwegend straf, met ál die spanne wat alles gegee het op die baan.

Oos-Moot het goed vertoon, maar Ben Vorster se jonger ouderdomsgroepe het wel die oorhand gehad. Ben Vorster se B-spanne het egter gewys dat hulle nie summier die handdoek ingooi nie. Die o.17 A-spanne het verál ‘n naelbytstryd opgedis met dié wedstryd wat uiteindelik met 21-21 gelykop geëindig het, terwyl Oos-Moot se eerste span naelskraaps met 25-22 die pyp gerook het.

Eldoraigne behoort ook hoogs tevrede te wees met hul resultate teen Piet Retief, met puik oorwinnings in vernaam die o.14 A- en o.19 A-kragmetings. Eldos se eerstes het laasgenoemde stryd met 48-32 gewen.

Piet Retief het nietemin hope karakter gewys deur die o.15 A- en o.19 B-wedstryde te wen, wat dui op potensiaal en krag in sekere ouderdomsgroepe. Die kompetisie was deurgaans straf, met albei skole wat bewys het dat hulle slaggereed is vir ‘n uitdagende seisoen.

Tellings:

Oos-Moot t. Ben Vorster (Oos-Moot eerste)

• o.14 A: 6-26
• o.14 B: 10-19
• o.15 A: 10-31
• o.15 B: 19-15
• o.16 A: 30-15
• o.16 B: 12-16
• o.17 A: 21-21
• o.19 A: 25-22
• o.19 B: 8-14

Eldoraigne t. Piet Retief (Eldoraigne eerste)

• o.14 A: 40-5
• o.14 B: 24-4
• o.15 A: 10-27
• o.15 B: 19-11
• o.16 A: 18-11
• o.16 B: 20-9
• o.19 A: 48-32
• o.19 B: 12-17

Hoërskool Middelburg se netbalspanne het Saterdag hul stempel afgedruk met oorweldigende vertonings teen Transvalia, maar Valia het koning gekraai in die eerstespan-stryd.

Met nege uit 10 oorwinnings, oor ál die ouderdomsgroepe heen, het Middelburg sy reputasie as ‘n magtige netbalskool gestand gedoen. Tog was dit Transvalia se eerste span wat op die einde van die dag die laaste sê gehad het met ‘n indrukwekkende oorwinning van 28-17.

Die Valia-eerstes het met dié vertoning benadruk dat hulle vanjaar gedugte teenstand gaan bied. Anzel Visage het uitgeblink op die verdediging met talle onderskeppings en ‘n kragtige kombinasie gevorm met Milan Strydom, wat die verdedigende sirkel uitstekend beheer het.

Aanvallend het Mieke Grobler ‘n kernrol gespeel deur die bal doeltreffend deur te bring, terwyl Abigail Coetzee se blitsige bewegings op die baan die aanval verder versterk het. Die doelskieters, Carla van Schalkwyk en Micah Labuschagne, het hul taktiese vernuf tentoongestel deur die verdedigende spanne te flous met hul samespel, wat oor jare opgebou is en steeds sterker word.

Middelburg het in ál die ander wedstryde die botoon gevoer en bewys gelewer daarvan dat hul netbalprogram uiters effektief is.

Al die uitslae: 

o.19A: Middelburg 17, Transvalia 28.

o.19B: Middelburg 39, Transvalia 6.

o.17A: Middelburg 23, Transvalia 8.

o.17B Middelburg 13, Transvalia 11

o.16A: Middelburg 29, Transvalia 10.

o.16B: Middelburg 41, Transvalia 4.

o.15A: Middelburg 48, Transvalia 6.

o.15B: Middelburg 30, Transvalia 9.

o.14A: Middelburg 28, Transvalia 10.

o.14B: Middelburg 11, Transvalia 10.

Die afgelope naweek het skole van regoor die land mekaar die stryd aangesê in die NWU Prestige-reeks. Die naweek was propvol boeiende kragmetings, uitmuntende individuele vertonings en spanne wat bo verwagting goed gevaar het. Hier is ‘n volledige opsomming van die aksie:

Klerksdorp Hoërskool (KHS) het oorheers in hul wedstryde teen Hugenote, met die eerste span wat ‘n oortuigende sege van 33-15 behaal het. Die o.17 A-span het ook skitterend vertoon om met 35-9 te seëvier. KHS se verdediging het ‘n vername rol gespeel in hul dominante vertonings, hoewel die tweede span met 15-21 die knie gebuig het.

Heidelberg Volkskool het ook domineer in hul reeks kragmetings met Potchefstroom Volkskool. Die eerste span het met 37-12 gewen, maar Potch Volkies se o.16 A-span het hul naam hoog gehou met ‘n indrukwekkende sege van 35-7 wat heelwat belofte vir die toekoms inhou.

Marais Viljoen se eerste span het ook beïndruk deur vir Jeugland met 34-13 af te stof. Die verdedigende karakter van MV het uitgestaan, met onderkaptein Kayla Coetzee wat uitmuntend vertoon het op HV. Michelle Ferreira was ook ‘n sleutelspeler op die verdediging en het vier onderskeppings gemaak. Jaymee Joubert het haar netjies van haar taak gekwyt op hulpdoel, terwyl Mia Oosthuizen in die laaste kwart ‘n belangrike rol gespeel het met deurslaggewende doele.

Wesvalia het ál hul wedstryde gewen teen Die Anker, behalwe vir Die Anker se tweede span wat ‘n oorwinning kon behaal – en dit met 14 doele! Die Anker het ook mededingend vertoon in die eerstespan-wedstryd, maar Wesvalia het uiteindelik met 21-14 die pyp gerook.

Potchefstroom Gimnasium het haas onstuitbare vertonings gelewer om in ál hul wedstryde teen Wagpos as oorwinnaars uit die stryd te tree. Die eerste span het met 28-6 hul oorheersing onderstreep, terwyl die derde span ‘n wegholsege van 47-2 behaal het.

Montana het ‘n uitstekende reeks oorwinnings behaal om ook skoonskip te maak teen Lichtenburg. Die eerste span het ‘n skouspelagtige sege van 50-13 behaal, en met ál hul ouderdomsgroepe wat indrukwekkend vertoon het, is Montana beslis ‘n krag om mee rekening te hou in die Prestige-reeks.

Pietersburg het sake oorheers teen Bergsig, insluitende ‘n swaarverdiende sege van 30-24 in die eerstespan-wedstryd. Kaptein Kylie Campbell het met haar voorbeeld gelei, terwyl Tumelo Nkwana ‘n uitstaande vertoning op AV gelewer het. Nkwana het feitlik elke senter-afgooi bemeester en doele meesterlik uitgevoer. Carli Becker het verdedigend ‘n reuse bydrae gelewer, met talle onderskeppings en die druk wat sy toegepas het op die aanvallande spelers van Bergsig.

Met netbal van hierdie gehalte kan uitgesien word na ‘n seisoen gevul met opwindende mededinging en nog vele meer hoogtepunte!

Al die uitslae:

• o.14A: KHS wen 22-9; Potchefstroom wen 15-11; Marais Viljoen wen 23-8; Wesvalia wen 30-15; Gimmies wen 26-5; Montana wen 20-13; Gelykop 16-16.
• o.14B: Hugenote wen 16-14; Heidelberg wen 20-2; Marais Viljoen wen 28-3; Wesvalia wen 8-5; Gimmies wen 19-1; Montana wen 27-4; Pietersburg wen 16-6.
• o.14C: KHS wen 14-4; Marais Viljoen wen 23-2; Bergsig wen 8-7.
• o.14D: Marais Viljoen wen 8-7.
• o.15A: KHS wen 21-3; Heidelberg wen 17-5; Marais Viljoen wen 20-12; Wesvalia wen 20-11; Gimmies wen 41-4; Montana wen 25-6; Pietersburg wen 22-11.
• o.15B: KHS wen 21-12; Heidelberg wen 42-0; Marais Viljoen wen 22-6; Wesvalia wen 19-8; Gimmies wen 36-3; Montana wen 24-7; Pietersburg wen 27-12.
• o.15C: Marais Viljoen wen 17-11.
• o.16A: KHS wen 20-12; Potchefstroom wen 35-7; Jeugland wen 19-16; Wesvalia wen 23-15; Gimmies wen 38-4; Montana wen 17-10; Pietersburg wen 27-8.
• o.16B: KHS wen 32-8; Heidelberg wen 30-15; Marais Viljoen wen 18-9; Wesvalia wen 29-5; Gimmies wen 33-10; Montana wen 25-3; Pietersburg wen 18-16.
• o.16C: Marais Viljoen wen 24-8; Bergsig wen 15-11.
• o.17A: KHS wen 35-9; Heidelberg wen 37-6; Marais Viljoen wen 40-4; Wesvalia wen 23-7; Gimmies wen 21-5; Montana wen 27-3; Pietersburg wen 27-3.
• o.17B: Jeugland wen 14-9.
• o.19A: Heidelberg wen 37-12; Montana wen 50-13.
• o.19B: Heidelberg wen 37-8; Montana wen 39-0.
• o.19C: Montana wen 16-1.
• 3de span: Wesvalia wen 36-3; Gimmies wen 47-2.
• 2de span: Hugenote wen 21-15; Marais Viljoen wen 38-3; Anker wen 18-4; Gimmies wen 28-6; Pietersburg wen 28-8.
• 1ste span: KHS wen 33-15; Marais Viljoen wen 34-13; Wesvalia wen 21-14; Gimmies wen 28-6; Pietersburg wen 30-24.

Hoërskool Middelburg se eerste netbalspan het ‘n skitterende vertoning gelewer in hul kragmeting teen Kempton Park, met ‘n oorwinning van 28-15 wat geskoei was op uitmuntende spanwerk en deursettingsvermoë.

Middies se eerste span het van meet af aan hul stempel op die kragmeting afgedruk, soos blyk uit die kwarte se tellings:

Kwart 1: 8-2
Kwart 2: 14-6
Kwart 3: 22-12
Kwart 4: 28-15

Middies het met weldeurdagte spel en puik samewerking die uitdagings wat Kempton Park gestel het, die hoof gebied. Thelma Moloi het uitgeblink deur sewe keer balbesit om te keer, en het ook vier keer onderskep. Dit het op die einde van die dag ‘n sleutelrol gespeel het in haar span se oorwinning.

Uitslae:

14A gelyk op 14-14
14B Kempton wen 17-9
14C Kempton wen 14-6
15A Middelburg wen 26-7
15B Middelburg wen 20-7
15C Kempton wen 13-8
15D Kempton wen  30-11
16A Middelburg wen 15-10
16B Middelburg wen 27-9
16C gelyk op 6-6
17A Middelburg wen 24-23
17B Kempton wen 10-19
Tweedes Middelburg wen 15-13
Eerstes Middelburg wen 28-15

Die NWU Sportreeks het die afgelope naweek opnuut bewys waarom dit een van die kompeterendste netbalkompetisies in die land is. Skolespanne van regoor die land het mekaar die stryd aangesê in intense kragmetings, met Menlopark, Hoërskool Nelspruit en Ben Vorster wat die groot wenners was.

Menlopark se netbalspanne het hul oorheersing teen Eldoraigne tentoongestel met ‘n skoonskip van oorwinnings oor al ouderdomsgroepe heen.

Die o.19 A-span het veral beïndruk met ‘n wegholsege van 54-13, terwyl die o.19 B-span ook sterk vertoon het om met 39-8 die botoon te voer.

Die kragmetings tussen Hoërskool Nelspruit en HTS Middelburg het ‘n rits naelbytstryde afgegee, met albei skole wat uiters mededingend vertoon het.

Nelspruit se spanne het meestal die oorhand geniet, maar HTS Middelburg het telkens ‘n verbete stryd opgesit en ook twee wedstryde, insluitende die o.14A-kragmeting, gewen.

Ben Vorster se netbalspanne het uitstekend vertoon teen Waterkloof, met uitsonderlike spel wat deur albei skole opgedis is.

Een van die uitblinkers van die dag was Annelien Lombard, wat in haar eerste wedstryd vir die o.19 A-span, as ‘n graad 11-speler, uitmuntend gevaar het. Haar doelpersentasie was indrukwekkend, en sy het ‘n deurslaggewende rol gespeel in die span se sukses.

Daarbenewens was Ben Vorster se verdediging uiters sterk en het hulle as ‘n eenheid gewerk om ses oorwinnings, teenoor Klofies se drie, te behaal.

Die NWU Sportreeks is ongetwyfeld ‘n hoogtepunt op die netbalkalender. Met ongelooflike talent en hewige wedstryde is dit duidelik dat Suid-Afrikaanse skolenetbal op ‘n hoë vlak funksioneer. Die volgende rondes beloof om selfs meer opwinding en mededinging op te lewer.

Al die uitslae: 

o.19: Menlopark 54, Piet Retief 13; Hoërskool Nelspruit 26, HTS Middelburg 24; Ben Vorster 34, Waterkloof 27.

o.17: Menlopark 29, Piet Retief 11; Hoërskool Nelspruit 23, HTS Middelburg 19; Waterkloof 26, Ben Vorster 14.

o.16: Menlopark 26, Piet Retief 4; Hoërskool Nelspruit 19, HTS Middelburg 9; Ben Vorster 21, Waterkloof 13.

o.15: Menlopark 31, Piet Retief 11; Hoërskool Nelspruit 27, HTS Middelburg 7; Ben Vorster 17, Waterkloof 15.

o.14: Menlopark 28, Piet Retief 15; HTS Middelburg 14, Hoërskool Nelspruit 12; Ben Vorster 17, Waterkloof 12.

Die NWU Prestige-reeks het die afgelope naweek ‘n skouspel van netbaltalent en mededinging opgelewer. Skole het mekaar die stryd aangesê in ‘n reeks intense wedstryde waar netbal van die hoogste gehalte opgedis is.

Hoërskool Pietersburg en Heidelberg Volkskool, asook Die Anker, het verál beïndruk met hul bestendige spel en strategiese ingesteldheid.

Die Pieties het bewys waarom hulle as een van die topskole beskou word met hul eerste span se bepalende sege van 29-23 oor Potchefstroom Volkskool. Hierdie kragmeting was ‘n toonbeeld van uithou- en deursettingsvermoë, met PHS wat sterkste geëindig het.

Ruth Hall was ‘n uitblinker in dié wedstryd met haar uitsonderlike verdedigingswerk en die balbesit wat sy telkens omgekeer het, het ‘n sleutelrol gespeel het in PHS se oorwinning.

Kaptein, Kylie Campbell, was ook ‘n rots op die verdediging en het haar span gelei met onwrikbare teenwoordigheid en leierskap.

PHS se doelskieters, Amoré Duvenage (91%) en Megan Carlisle (88%), het ook ‘n onskatbare bydrae gelewer, met sulke hoë afrondingspersentasies wat verseker het dat PHS se aanval glad verloop en die momentum gehandhaaf kon word.

Met agt oorwinnings uit nege wedstryde was Pietersburg een van die dominantste skole in die toernooi, met die o. 15 B-span wat kon spog met ‘n wegholsege van 37-0 oorwinning behaal het.

Heidelberg Volkskool het ook oorheers in sy wedstrydreeks teen Bergsig, met 10 oorwinnings uit 12 wedstryde en die eerstes wat met 25-15 geseëvier het.

Met sewe oorwinnings uit nege wedstryde het Die Anker ook sy stempel op die reeks afgedruk, hoewel Wagpos in die o. 14 B- en o. 17 A-kragmetings vir verrassings gesorg het. In die eerstespan-wedstryd het Die Anker met 28-11 die botoon gevoer.

Die NWU Prestige-reeks het weereens bewys gelewer van die hoë gehalte netbal wat Suid-Afrikaanse skole oplewer, met spelers wat deurgaans hul vaardighede en deursettingsvermoë, asook gees van sportmanskap, tentoongestel het.

Die toekoms van netbal in die land lyk inderdaad rooskleurig.

Opsomming van Uitslae:

Pietersburg t. Potchefstroom Volkskool

• o. 14 A: verloor 18-11
• o. 14 B: wen 17-10
• o. 15 A: wen 28-8
• o. 15 B: wen 37-0
• o. 16 A: wen 25-19
• o. 16 B: wen 31-12
• o. 17 A: wen 27-10
• Tweede span: wen 27-4
• Eerste span: wen 29-23

Heidelberg Volkskool t. Bergsig

• o. 14 A verloor 12-16
• o. 14 B wen 17-8
• o. 14 C wen 14-2
• o. 15 A wen 21-19
• o. 15 B wen 31-3
• o. 15 C wen 29-9
• o. 16 A wen 17-11
• o. 16 B wen 18-10
• o. 16 C verloor 3-19
• o. 17 A wen 24-10
• Tweede span wen 36-9
• Eerste span wen 25-15

Die Anker t. Wagpos

• o. 14 A wen 25-10
• o. 14 B verloor 6-9
• o. 15 A wen 27-9
• o. 15 B wen 18-4
• o. 16 A wen 25-10
• o. 16 B wen 24-3
• o. 17 A verloor 11-13
• Tweede span wen 17-9
• Eerste span wen 28-11

Die langverwagte NWU Prestige-reeks skop hierdie naweek af en beloof om vanjaar weer van Suid-Afrika se beste skolenetbal-talent ten toon te stel. Hierdie reeks, wat bekend is vir sy hoë gehalte spel en intense mededinging, bring top netbalskole bymekaar in ‘n stryd om prestige en trots.

Een van die openingswedstryde beloof reeds om ‘n kragmeting van formaat op te lewer wanneer Potchefstroom Volkskool en Hoërskool Pietersburg mekaar die stryd aansê. Albei skole het ‘n ryke sportgeskiedenis en hulself gevestig onder die bestes in die land. Die verwagting is dat hierdie stryd volop vuur en passie sal wees.

Nog ‘n opwindende ontmoeting is die kragmeting tussen Bergsig Akademie en Heidelberg Volkskool. Hierdie skole is bekend vir hul talentvolle spelers en sal ongetwyfeld ‘n intense en mededingende tweestryd afgee. Die balans tussen kragspel en taktiese vernuf behoort hier ‘n groot rol te speel.

Die laaste ontmoeting van die naweek is tussen Die Anker en Hoërskool Wagpos, waar twee trotse spanne mekaar die stryd aansê. Albei skole het ‘n sterk sportkultuur en hierdie wedstryd beloof om ‘n fassinerende botsing van spelstyle te wees.

Met die NWU Prestige-reeks wat afskop, is die tafel gedek vir ‘n skouspel van talent, toewyding en onverbiddelike geesdrif. Sportliefhebbers kan uitsien na ‘n naweek van topgehalte netbal, waar elke span alles op die baan gaan los. Hou gerus dop vir opdaterings en uitslae soos die reeks vorder.

Bepalings:

Bergsig t. Heidelberg Volkskool

09:00 o. 16 B, o. 14 A, o. 15 B

09:40 Tweede span, o. 15 A, o. 14 B

10:10 o. 14 C, o. 16 A, o. 15 C

10: 50 o. 16 C, o. 17 A

11:30 Eerste span

Die Anker t. Hoërskool Wagpos

08:30 o. 17 A, o. 14 A, o. 15 B

09:10 Tweedes, o. 16 A, o. 14 B

09:45 o. 15 A, o. 16 B, o. 17 B

10:20 Eerste span, o. 14 C, o. 14 B

Potchefstroom Volkskool t. Pietersburg

08:00 Tweedes, o. 15 B, o. 16 B

08:45 o. 14 A, o. 17 B, Derdes, o. 16 A

09:30 o. 14 B, o. 15 A, o. 17 A

10:15 Eerste span