Blog

Indien daar enige twyfel voor vandag was of Transvalia se rugbyspan ‘n krag gaan wees, het die manne van Vanderbijlpark dit ter ruste gele. Die span het Waterkloof met 30-25 tydens die jaarlikse Ticketpro Blou Bulle Rugbydag op Loftus Versfeld verslaan. 

Dit het nooit gelyk asof Transvalia die wedstryd sou verloor nie. Nie eers ‘n driekuns deur Klofies se skrumskakel, Divan Roelofse, kon Transvalia van ‘n sege weerhou nie. Transvalia se haker, Reinhardt Nel, het ‘n stewige vertoning gelewer. Die skrumskakel, Dewald Strydom, se diens aan sy losskakel, Zian de Jager was ook van hoogstaande gehalte. 

In die stryd tussen die twee Dames-broers, Jaco en Rudi, het eersgenoemde se Diamantveld vir Pretoria Boys’ High met 20-15 die loef afgesteek. Diamonds se skrumskakel, Charlie Louw, is na afloop van die wedstryd as speler van die westryd aangewys. Dit kon net so maklik aan die verloorspan se vleuel Jamie Nortje gegaan het. Hy het al drie sy span se drieë afgerond. 

Die eerste ronde bier sal gewis vanaand op Rudi wees. 

Goudveld-Hoërskool het oor te veel skietgoed vir Noordheuwel in die openings-wedstryd van die rugbydag. Gouties het die kragmeting met 30-20 gewen. 

Puntemakers: 

Boland Landbou 45 (30) – Drieë: Sebastian de Klerk (2), Gavin Mills, Bertus Baard, Tehan du Plessis, Darren Hendricks, Eugene Snyders, Erik Lamprecht, Handro-Daniel van der Merwe. Menlopark 10 (0) – Drieë: Nsuku Baloyi (2).

Affies 30 (20) – Drieë: Jason Scheepers (2), Jacques-Louis du Toit (2), Pierre Fourie, Eric Sherman. HTS Middelburg 5 (0) – Drie: Vincent Roos.

Garsfontein 45 (25) – Drieë: Diego Appollis (3), Jurich Claassens (2), Keagan Johannes, Juandre Buitendag, Allen Kelbrick, Campwill Willemse. Voortrekker (Bethlehem) 0 (0).

Monument 10 (5) – Drie: Ruben Barnard, Douw Scheepers. Welkom Gimnasium 5 (0) – Drie: JP de Kock.

Transvalia 30 (15) – Drieë: Uli Wiese (2), Nicky Nicholenas, Zian de Jager, Damian Jordan, Bernard du Plessis. Waterkloof 25 (10) – Drieë: Divan Roelofse (3), Renaldo Kuppen, Julian Bogner.

Diamantveld 20 (5) – Drieë: Keenan Beckett, Cole Arnoldus, Charlie Louw, Ruan Vink. Pretoria Boys’ High 15 (5) – Drieë: Jamie Nortje (3). 

EG Jansen 30 (10) – Drieë: Tylon Kotze, Dwayne Lubbe, Dylan Schwartz, Dian Coetzee, Xander Schwartzer, Craig Hutchinson. Frikkie Meyer 15 (10) – Drieë: Tsimi Nemavola, William Thulare, Diaan Coetsee. 

Zwartkop 20 (10) – Drieë: Jean Aucamp, Kyle van Deventer, Romario Dias, Nog Een. Duineveld 20 (5) – Drieë: Hans Visser (2), Cameron van Rhyn, Linton Maritz.

Oos-Moot 25 (10) – Drieë: Heinrich van Tonder (2), Ruan Bezuidenhout, Renier Vos, Tian Bezuidenhout. Witteberg 5 (0) – Drieë: Motseki Mosikidi.

Jeppe High School for Boys’ 35 (25) – Drieë: Muzi Manyike (2), H Monteiro (2), S Shongwe, C Harvey, J Coetzee. Kempton Park 15 (0) – Drieë: Ruben Fullard (2), John Anderson.  

St Alban’s College 35 (20) – Drieë: Wilfred Munda (2), Rhys Fulford (2), Keelan Watkins, Thabang Mogadima, Siseko Mvenya. Potchefstroom Gimnasium 5 (5) – Drie: Dirkie Louw. 

Goudveld-Hoërskool 30 (15) – Drieë: Craig Colby (2), Doohan van Pletzen, Ruben Liebenberg, Rian Olivier, Leonard Jacobs. Noordheuwel 20 (10) – Drieë: Wian van Heerden (2), Camron Janse van Vuuren,  Ruan Kotze. 

Curro Heuwelkruin 15 (10) – Drieë: Reece Wynne (2), Godwin Maloleke. Pretoria THS 5 (0) – Drie: Trevor Shitlhane.

Die Hoërskool Waterkloof se eerste rugbyspan het sy litte Saterdag teen Montana in ‘n vriendskaplike wedstryd losgemaak. Klofies moes egter heelwat meer sweet as verwag om Montana met 29-17 die loef af te steek.

Hoërskool Rustenburg het met ‘n naelskraapse sege van 25-24 oor HTS Middelburg gewys dat hy vanjaar beter in die Tuks-reeks kan vaar wat volgende Saterdag afskop.

Eldoraigne het in ‘n opwindende kragmeting vir die Hoërskool Middelburg met 44-36 uitoorlê. Middelburg vier vanjaar sy 100ste bestaansjaar.

Ben Vorster van Tzaneen het die bordjies teen Frikkie Meyer van Thabazimbi in die openingswedstryd van vanjaar se NWU-Pukke-reeks met 30-27 verhang. Frikkie Meyer het verlede jaar Ben Vorster se aspirasies om as Limpopo-kampioen gekroon te word op dramatiese wyse met 19-17 in die eindstryd verydel.

Ben Vorster is wel die verdedigende kampioen van die reeks en sal tevrede met sy eerste vertoning van die jaar voel. Die span se slotpaar, CJ Erasmus en Rickus Nel, asook die agtsteman, Thapelo Ramoshaba, het blink vertonings gelewer.

Agterlangs was die losskakel, Erik Meintjes, senters DJ du Preez en Christiaan Smit, en die heelagter, Jason Mulder, uitstaande.
Diamantveld het op sy tuisveld in Kimberley ‘n vroeë waarskuwing aan die ander spanne in die nuwe Wesgrow Sentrale Skolereeks gestuur.

Diamonds het Sentraal in ‘n vriendskaplike wedstryd met 42-7 afgestof. Albei spanne neem aan die reeks deel.

Diamantveld se binnesenter, Handré Bruwer, het met sy skopskoen 17 punte met sewe doelskoppe en ‘n strafdoel aangeteken. Buiten Bruwer het die flanke, Selle Maketlo en Armin de Villiers, uitstekend vertoon.

Maketlo het by die afbreekpunte vir Sentraal probleme besorg en vele kere daarin geslaag om omgekeerde balbesit te verseker. Agterlangs was die senter Cole Arnoldus en heelagter, Keenan Beckett, dorings in Tralies se vlees. 

In die Sport-reeks het Brandwag van Benoni vir Dinamika van Alberton met 41-5 kaf gedraf. Die Wilgers moes veel harder werk vir hulle sege an 19-17 oor Generaal Hertzog van Witbank. Wagpos het met ‘n oorwinning van 17-0 oor Vereeniging Gimnasium gewys dat hy vanjaar nie ‘n maklike teenstander sal wees om onder te kry nie. 

Vrydag in die Mbombela-stadion in Nelspruit was Morgenzon Landbou, Penryn College, Uplands College, Bergvlam, Barberton en Steelcrest in vriendskaplike wedstryde in aksie. 

Morgenzon Landbou het Uplands College met 32-3 gekarnuffel, terwyl Barberton vir Steelcrest met 31-10 geklop. Bergvlam het Penryn College naelskraaps met 26-25 geklop.

Puntemakers:

Diamantveld 47 (28) – Drieë: Keenan Beckett (2), Cole Arnoldus (2), Charlie Louw, Morné Matthewson. Doelskoppe Handré Bruwer (7). Strafdoel: Bruwer. Sentraal 7 (0) – Drie: Janco Kachelhoffer. Doelskop: Francois van Rooyen.

Waterkloof 29 – Drieë: Boipelo Kgatlanye (2), MJ Janse van Rensburg, Richard van den Berg. Doelskoppe: Polla Melamed (3). Strafdoel: Melamed. Montana 17 – Drieë: Dreyer van der Berg, Franco Stassen, Heinrich Potgieter. Doelskop: Jared Crafford.

Eldoraigne 44 – Drieë: Marvin Petersen (2), Shayne Bolton, Charl Basson, Henry Kruger. Doelskoppe: Hilton Olivier (5). Strafdoele: Olivier (2), Bolton. Hoërskool Middelburg 36.

Hoërskool Rustenburg 25 – Drieë: Estian Heyneke, Paul Minnaar, Marco Henning. Doelskoppe: Heyneke (2). Strafdoele: Heyneke (2). HTS Middelburg 24.

Die Anker 20 – Drieë: Juanrich Botha, Sergio Moreira. Doelskoppe: Corné Mulder (2). Strafdoele: Mulder (2). Hugenote (Springs) 13.

Ben Vorster 30 – Drieë: CJ Erasmus, Thapelo Ramoshaba, Jason Mulder, Christiaan Smit. Doelskoppe: DJ du Preez (2). Strafdoele: Du Preez (2). Frikkie Meyer 27.

Morgenzon Landbou 32 – Drieë: Steven Jordaan, Christo Ferreira, Ulrich Venter, Kyle Coetzee. Doelskoppe: Venter (3). Strafdoele: Venter (2). Uplands College 3.

Curro Nelspruit 24 – Drieë: Dihan Putter (2), Lebo Mazibuko, Zinzan Cole. Doelskoppe: Cole (2). Kanonkop 31.

Die Wilgers 19 – Drieë: Wilbur Hugh (2), Jaco le Roux. Doelskoppe: Jean Myburgh, Jean Schoeman. Generaal Hertzog 17.

Wagpos 17 – Drieë: Dihan Opperman, Dirkie Pretorius, Joshua Brits. Doelskop: Owen Erasmus. Vereeniging Gimnasium 0.

Ander spanne:

Eerstespanne: Wonderboom 37, Oosterlig 7; Lichtenburg 52, Wesvalia 17; Jeugland 22, Driehoek 20; Frans du Toit 24, Lowveld High 23; Bergsig Akademie 37, Ellisras 22; Bergvlam 26, Penryn College 25; Barberton 31, Steelcrest 10; Brandwag (Benoni) 41, Dinamika 5.

o.16: Diamantveld 52, Sentraal 0; Waterkloof 26, Montana 21; Middelburg 29, Eldoraigne 28; Oosterlig 12, Wonderboom 12; Hugenote (Springs) 26, Die Anker 12; Lichtenburg 19, Wesvalia 14; Ben Vorster 46, Frikkie Meyer 17; Jeugland 7, Driehoek 5; Frans du Toit 48, Lowveld High 0; Ellisras 27, Bergsig Akademie 5; Curro Nelspruit 20, Kanonkop 12; Bergvlam 25, Penryn College 7; Morgenzon Landbou 19 Uplands College 5; Barberton 21, Steelcrest 14; Generaal Hertzog 50, Die Wilgers 5.

o.15: Diamantveld 57, Sentraal 0; Montana 5, Waterkloof 0; Middelburg 52, Eldoraigne 0; Oosterlig 19, Wonderboom 0; Die Anker 40, Hugenote (Springs) 10; Lichtenburg 26, Wesvalia 14; Ben Vorster 10, Frikkie Meyer 0; Jeugland 24, Driehoek 5; Frans du Toit 36, Lowveld High 7; Ellisras 22, Bergsig Akademie 7; Curro Nelspruit 68, Mpumalanga Ontwikkeling XV-tal 0; Die Wilgers 12, Generaal Hertzog 10.

o.14: Diamantveld 20, Sentraal 15; Waterkloof 29, Montana 12; Middelburg 40, Eldoraigne 0; Oosterlig 17, Wonderboom 15; Die Anker 43, Hugenote (Springs) 0; Wesvalia 14, Lichtenburg 7; Ben Vorster 38, Frikkie Meyer 10; Jeugland 17, Driehoek 17; Frans du Toit 20, Lowveld High 12; Ellisras 22, Bergsig Akademie 17; Curro Nelspruit 57, Kanonkop 5; Die Wilgers 27, Generaal Hertzog 19.

Dit gaan keer kos om die nuweling in die NWU-Pukke se Sportreeks, die Hoërskool Florida, se hande van die trofee af te hou. Florida het in sy eerste wedstryd in die reeks ‘n weghol-oorwinning van 81-5 oor Hartbeespoort behaal.

Die span se heelagter, Tino Swanepoel, het 41 van sy span se punte aangeteken. Hy het vyf van sy span se 13 drieë afgerond, terwyl hy ook met sewe doelskoppe geslaag het. Die kortste lopie waarmee die Leeus se Cravenweek-vleuel afgerond het was ‘n ongelooflike 60 meter.

Florida het verlede jaar nog aan die Tuks-reeks deelgeneem.

Die seisoen is nog in sy babaskoene, maar die Hoërskool Alberton se binnesenter, Jonathan Potgieter, het reeds ses drieë vir die seisoen agter sy naam.

Potgieter het gister in sy span se eerste wedstryd in vanjaar se NWU-Pukke Sport-reeks drie keer agter die doellyn in sy span se gemaklike sege van 51-7 oor Hoërskool Brits. Potgieter het ook verlede week in ‘n vriendskaplike wedstryd teen Oosterlig ‘n driekuns behaal.

Alberton se losskakel, Francois Myburgh, het ook 21 punte tot sy span se oorwinning met twee drieë, vier doelskoppe en ‘n strafdoel bygedra.

Secunda het ook ‘n indrukwekkende sege van 48-7 oor Linden in dié reeks behaal. Die verdedigende kampioen het verlede jaar die titel verower deur die Hoërskool Alberton met 23-15 in die eindstryd te klop.

Standerton se naelskraapse sege van 15-14 oor Riebeeckrand is ook noemenswaardig.

Bastion het Dr. Malan van Meyerton met 37-15 in hulle kragmeting verslaan.

Hans Moore van Benoni het Hoogenhout met 38-24 geklop. Die span se senter Ruan Steenkamp het 18 punte tot sy span se sege bygedra. Hy het twee keer die doellyn oorgesteek en ook met vier doelskoppe geslaag.

Puntemakers:

Florida 81 – Drieë: Tino Swanepoel (5), Brandon Roberts (2), Nog Een (2), Juandré van der Merwe, Brink Bosman, Viljoen Botes, Francois Trollip. Doelskoppe: Swanepoel (8). Hartbeespoort 5 – Drie: D’artagnian Bole.

Secunda 48 – Drieë: Eben Windt (2), Renaldo Alberts (2), Tyrone Ferreira (2), Reghardt Strydom. Doelskoppe: Martin Venter (5). Strafdoel: Venter. Hoërskool Linden 7.

Hans Moore 38 – Drieë: Ruan Steenkamp (2), Thabo Ndimande (2), Jarrod Geral (2). Doelskoppe: Steenkamp (4). Hoogenhout 24.

Hoërskool Alberton 51 (17) – Drieë: Jonathan Potgieter (3), Ruben van der Berg (2), Francois Myburgh (2), Werner Mashau. Doelskoppe: Myburgh (4). Strafdoel: Myburgh. Hoërskool Brits 7 (0).

Hoërskool Standerton 15 – Drieë: Michael Crumplin, Francois Rossouw. Doelskop: JW Stemmet. Strafdoel: Stemmet. Riebeeckrand 14 – Drieë: Verhard Vorster, Jason Storm. Doelskoppe: Vorster (2).

Bastion 37 – Drieë: Jandré Venter (2), Juan Alberts, Chandré van der Berg, Juandré Combrinck, Morné Swanepoel. Doelskoppe: Ashley Potgieter (2). Strafdoel: Potgieter. Dr. Malan 15 – Drieë: Dohan Visagie, Henri de Klerk. Doelskop: Luke Steyn. Strafdoel: Steyn.

Ander spanne:

o.16: Secunda 33, Linden 13; Hans Moore 44, Hoogenhout 0; Brits 12, Alberton 5; Riebeeckrand 7, Standerton 6; Florida 26, Hartbeespoort 18; Bastion 27, Dr. Malan 5.

o.15: Linden 39, Secunda 8; Hans Moore 10, Hoogenhout 5; Brits 13, Alberton 5; Riebeeckrand 19, Standerton 12; Florida 33, Hartbeespoort 0; Dr. Malan 41, Bastion 0.

o.14: Secunda 19, Linden 5; Hans Moore 19, Hoogenhout 7; Brits 33, Alberton 17; Standerton 27, Riebeeckrand 0; Florida 71, Hartbeespoort 0; Dr. Malan 41, Bastion 0.

Die Hoërskool Upington se eersterugbyspan het nou wel voor sy kragmeting teen Jim Fouché op Fichardtpark se jaarlikse McDonalds Sportdag besluit om nie in sy tradisionele Oranje-truie te speel nie.

Die spelers het besluit hulle moet eers verdien om die trui oor die kop te trek. Daar bestaan egter geen twyfel na die span se sege van 19-10 oor JF dat die span in sy volgende wedstryd in sy tradisionele gewaad sal wees nie.

Daar was teen lemoentyd niks tussen die twee spanne te kies met die telling op 5-elk nie.

Niemand was beter as Uppies se kaptein en binnesenter, Henro Kotze, nie. Hy het al drie sy span se drieë afgerond. Die samespel van hom en Harry Nell in die middelveld het JF probleme besorg.

Uppies se skrum het ook die oorhand gehad, terwyl sy agtsteman, Johan Teessen, en die flank Venter Scholtz geen losbal laat rondlê het nie. 

Albei Jim Fouché se drieë is deur Rubyn Dupont gedruk. Buiten Dupont se uithalerspel, was die slot Braam le Roux se kraglopies ook vir sy span goud werd. Agterlangs het die skrumskakel, Delano Williams, nooit moed opgegee nie. 

Riebeeckstad het dalk verlede jaar die eerste keer in sy geskiedenis ‘n trofee verower, maar dis duidelik dat dit al was wat die span nodig gehad het. 

Riebies het sy seisoen Saterdag in die Rosestad met ‘n klinkende sege van 53-3 oor President Steyn afgeskop. Die wenspan het rustyd reeds ‘n voorsprong van 19-3 opgebou. 

Voorlangs was Jeremia Mofekeng (flank) en Nathan Fourie (agtsteman) ysters vir die wenspan, terwyl Johan Strydom (skrumskakel), Teboho Makwayi (senter) en Gomi Leshoro agterlangs te veel vrae aan die Steyners se verdediging gevra het. 

Landboudal van Jacobsdal was met 25-12 oor St Andrews van Bloemfontein baas. Saints se vaskopstut, Kabelo Leie, kan sy kop omhoog na sy vertoning hou. Lanties se loskopstut, Johan Snyman, was sonder twyfel sy span se beste speler op die dag.

De Aar het ook sy spiere gebult deur die Hoërskool Bloemfontein met 50-0 kaf te draf. Die Hoërskool Staatspresident Swart van Brandfort het vir HTS Welkom met 33-21 die loef afgesteek. Aliwal-Noord was met 14-8 oor Sand du Plessis baas.

Puntemakers: 

Hoërskool Upington 19 (5) – Drieë: Henro Kotze (3). Doelskoppe: Wilco Visagie, Hardie Koegelenberg. Jim Fouché 10 (5) – Drieë: Ryben Dupont (2). 

Riebeeckstad 53 (19) – Drieë: Gomi Leshoro (2), Keagan Human, Fenni Thlakanelo, Jabulani Mcluwani, Jeremia Mofokeng, Jabulani Makati, Raymond Mabena, Kami Lepheila. Doelskoppe: Human (2), Leshoro (2). President Steyn 3 (3) – Strafdoel: Brendan Fourie. 

Landboudal 25 – Drieë: Danie de Waal, Henco Burger, Pierre Malan. Doelskoppe: Burger (2). Strafdoele: Burger (2). St Andrew 12 – Drieë: Jason Visagie, Ethan Travers. Doelskop: Nantus Aucamp. 

De Aar 50 (36) – Drieë: Litha Bangani (2), Nasiphi Yekani (2), Stefan du Plessis, Mouritz Erasmus, Rowan Greeff, Duane Jonker. Doelskoppe: Duane Jonker (5). Hoërskool Bloemfontein 0. 

Brandfort 33 – Drieë: Gustav Pansegrouw (2), DS de Wet, Stefan Weideman, Johan Muller. Doelskoppe: Jacques Jerling (4). HTS Welkom 21.

Dit was ‘n titaniese stryd na maar 70 minute se spel kon die Hoërskool Fichardtpark se eersterugbyspan kop omhoog van die veld na sy sege van 25-23 oor die Afrikaanse Hoërskool Kroonstad in die hoofwedstryd van die jaarlikse McDonalds Sportdag stap. 

Fichies was teen rustyd met hul rûe teen die muur met Rooiskool wat met die omdraaislag ‘n voorsprong van 20-14 opgebou het. Rooiskool se heelagter, Chappies van der Walt, het met ‘n strafdoel sy span se enigste punte in die tweede helfte aangeteken. 

Dié sege so sou boonop soet vir geharde ondersteuners van Fichardtpark se rugby gewees het. Die twee spanne het mekaar laas in 2009 in die hoofwedstryd van die sportdag gepak. Rooiskool het op daardie dag aan Fichies ‘n loesing van 26-8 toegedien. 

Fichies se agtsteman, Herman Steenkamp, asook die slot en kaptein, Jaco Snyman, het voorlangs die harde werk ingesit. Agterlangs het die senterpaar, Rino Kok en Kobus Duvenhage, asook die heelagter, Jannes de Jager, blink vertonings vir die gasheer gelewer. 

Vir Rooiskool verdien Van der Walt, die agtsteman Marius Liebenberg en die haker, Valie Wiggens, ‘n klop op die skouer vir hulle vertonings. 

Noord-Kaap het met ‘n sege van 30-10 oor Louis Botha gewys dat hy vanjaar ook ‘n sterk aanspraakmaker in die nuwe Wesgrow Sentrale Skole-reeks behoort te wees. Die span van die Diamantstad het teen rustyd ‘n skrale voorsprong van 13-10 geniet. 

Die wenspan se slot Leo Koortzen was op sy stukke en het ‘n driekuns aan drieë behaal. Agterlangs het die buitesenter, Elzandro Fredericks, ook ‘n uitstaande vertoning opgedis. 

Louis Botha is vroeg in die wedstryd ‘n slag toegedien toe sy vaskopstut, Vincent Phatlane, die veld weens ‘n ontwrigte skouer moes verlaat. Die goeie nuus uit die besering is dat die plaasvervanger-stut, Kanalelo Mofokeng, hom so goed van sy taak gekwyt het, dat hy waarskynlik vir hom ‘n plek in die beginspan losgespeel het. 

Die slot Ofentse Maputsi het kan ook tevrede met sy vertoning voel. Louis Botha het ook sy binnesenter en kaptein, Martin Lottering, weens krampe in die wedstryd verloor, wat sonder twyfel ‘n impak in die span se vertoning gehad het. 

Welkom Gimnasium het in die tweede helfte van sy kragmeting teen die Wolramme van Marlow Landbou behoorlik vlam gevat om ‘n oortuigende sege van 41-7 te behaal. Gimmies het rustyd reeds ‘n voorsprong van 19-7 geniet. 

Die span van Welkom het die bal behoorlik lug gegee, terwyl die Wolramme van Cradock nie hul beste dag op kantoor beleef het nie. 

Gimmies se agtsteman, Keke Morabe, het met sy lopies beïndruk, terwyl Georgenm Kiewiet (skrumskakel) en Keith van Aswegen (senter) ook lof vir hul aandeel in die sege verdien. 

Puntemakers:

Hoërskool Fichardtpark 25 (14) – Drieë: Jannes de Jager, Renaldo Davids, Damian Gericke. Doelskoppe: Kobus Duvenhage (2). Strafdoele: Duvenhage (2). AHS Kroonstad 23 (20) – Drieë: Thatu Mapimpi, Zander Smith. Doelskop: Chappies van der Walt. Strafdoele: Van der Walt (3). 

Hoërskool Noord-Kaap 30 (13) – Drieë: Leo Koortzen (3), Elzandro Fredericks, Andries Jacobs. Doelskop: Fredericks. Strafdoel: Craig Ockhuis. Louis Botha 10 (10) – Drie: Ofentse Maputsi. Doelskop: Jaden Seekoei. Strafdoel: Seekoei. 

Welkom Gimnasium 41 (19) – Drieë: Marno April (2), Christo Steyn, Jaime Heynes, Martley Bayman, JP de Kock. Doelskoppe: Ryan Davids (4). Strafdoel: Davids. Marlow Landbou 7 (7) – Drie: Jaco Nell. Doelskop: Claude Jacobs.

Leeuwenhof Akademie het Saterdag met ‘n weghol-oorwinning van 72-14 oor Overvaal van Vereeniging in die NWU-Pukke 16-reeks ‘n vroeë waarskuwing aan die ander spanne in die kompetisie gestuur.

Leeuwenhof se vleuel Jordan Mayhew en Jared Steyn het elk drie keer ‘n draai agter Overvaal se doellyn gemaak. Die wenspan het 11 drieë in die oorwinning ingeryg.

Pionier van Vryheid wat saam met Bekker van Magaliesburg die verdedigende kampioene van die reeks is, moes so bietjie sweet om Volksrust met 17-3 in sy eerste wedstryd van die kompetisie onder te kry. Pionier het teen rustyd ‘n skamele voorsprong van 5-3 geniet.

Pionier het vroeër in die week teen Kearsney College met 23-17 as oorwinnaars uit die stryd getree. Die span van Vryheid is dus ‘n span om vanjaar dop te hou. Kearsney College het ook vir Sarel Cilliers van Glencoe met 52-0 afgestof.

Bekker sou volgens die bepalings sy aanslag teen Alberton High begin het. Laasgenoemde het egter sy rugbyspanne aan die reeks onttrek. Bekker het daarom verlede week ‘n vriendskaplike wedstryd teen die Hoërskool Randburg gespeel.

Bekker het hom deeglik van sy taak gekwyt en slegs met 39-43 die knie gebuig. Die span van Magaliesburg was met slegs 15 minute se spel oor in die kragmeting met 17-43 agter.

Ferrum van Newcastle het ‘n goeie sege van 20-12 oor Piet Retief behaal, terwyl Schoonspruit nie heeltemal gelukkig oor sy gelykop-uitslag van 29-elk teen Vryburg sal wees nie.

Ferrum se losskakel, Ruben Kwakkernaak, het ‘n uitmuntende wedstryd beleef. Voorlangs het die agtsteman, Thando Jele, die bal goed gedra. Die beste vertoning op die dag vir Ferrum het egter aan die kantman Dominic Batista behoort. 

Schoonspruit was teen die omdraaislag met die telling op 29-14 in sy guns stewig in die saal. Die span het boonop die voordeel van die wind van agter in die tweede helfte geniet.

Pretoria-Noord kon nou wel nie ‘n bonuspunt-sege in sy oorwinning van 24-5 oor Stoffberg buit nie, maar sal steeds tevrede met die uitslag wees.

Puntemakers:

Leeuwenhof 72 – Drieë: Jordan Mayhew (3), Jared Steyn (3), Danté du Plessis (2), Janko van der Merwe, WH Barnard, Meyer Kriel. Doelskoppe: Van der Merwe (5), Austin van Heerden (2). Strafdoel: Van der Merwe. Overvaal 14 – Drieë: Stefan Koekemoer (2). Doelskoppe: Ruan Willemse (2).

Pionier 17 (5) – Drieë: Tommie Abrahams, Wildré van der Berg, Hardus van der Merwe. Doelskop: Christiaan Zietsman. Volksrust 3 – Strafdoel: Braam Kruger.

Ferrum 20 – Drieë: Dominic Batista, Wikus van der Walt, Apiwe Nkosi. Doelskop: Phillip Gafney. Strafdoel: Gafney. Piet Retief 12 – Drieë: Sphe Mthethwa, Rian Fourie. Doelskop: Armand Coetzee. 

Schoonspruit 29 (29) – Drieë: Herman Basson, Tristan Oosthuizen, Quintin Deetlefs, Barnard Kok, Jacques Delport. Doelskoppe: Nico Harford (2). Vryburg 29 (14) – Drieë: Shawn Muller (2), Benito de Vries, Pieter Sterrenberg. Doelskoppe: Leonard Grobbelaar (3). Strafdoel: Grobbelaar. 

Pretoria-Noord 24 – Drieë: Tinus Jacobs, Keano Geldenhuys. Doelskop: Carlo Alexander. Strafdoele: Alexander (4). Stoffberg 5 – Drie: Dewald Vermaak. 

Fochville 22 – Drieë: Tiaan Daffue (2), Estiaan de Wet. Doelskoppe: Arrie Steenkamp (2). Strafdoel: Steenkamp. Wolmaransstad 17.

Bekker 39 – Drieë: Francois van Zyl (2), Antonie Saunderson, Johan Nienaber, Avoyele Boyce, André van der Merwe, Jannie Schultz. Doelskoppe: Van Zyl, Juandré Jacobs. Randburg 43.

Ander spanne:

Eerstespanne: Delmas 34, Oosterland 21, Fochville 22 Wolmaransstad 17.

o.16: Pionier 33, Volksrust 31; Piet Retief 55, Ferrum 0; Vryburg 60, Schoonspruit 3; Pretoria-Noord 45, Stoffberg 17; Leeuwenhof 55, Overvaal 5; Wolmaransstad 31, Fochville 17.

o.15: Pionier 41, Volksrust 19; Piet Retief 15, Ferrum 3; Vryburg 19, Schoonspruit 7; Stoffberg 10, Pretoria-Noord 8; Leeuwenhof 34, Overvaal 5; Fochville 78, Wolmaransstad 0.

o.14: Pionier 31, Volksrust 19; Piet Retief 44, Ferrum 0; Vryburg 46, Schoonspruit 0; Pretoria-Noord 35, Stoffberg 10; Leeuwenhof 55, Overvaal 3; Fochville 34, Wolmaransstad 0.

Ander wedstryde:

o.16: Randburg 39, Bekker 12.

o.15: Randfburg 27, Bekker 21.

o.14: Randburg 20, Bekker 17.

Die suksesvolste skolerugbyspan in Suid-Afrika die afgelope drie jaar, die Hoër Jongenskool Paarl, se hoofafrigter, Sean Erasmus, gaan nie sy kontrak met die skool na afloop van die 2018-seisoen verleng nie. Erasmus sal hom op 1 November by die Goue Leeus aansluit. 

Erasmus rig sedert 2014 Boishaai se eerstespan af na hy van Glenwood in Durban na die Paarl verhuis het. Daar is nog nie uitsluitsel oor wat Erasmus se pligte by die Leeus sal behels nie. 

Die Leeus wou al verlede jaar Erasmus se dienste bekom het, maar hy het besluit dat hy die Boishaai-skip deur die belangrike 2018-seisoen wil deursien. 

Boishaai vier vanjaar sy 150ste bestaansjaar. Die skool bied vanjaar ‘n World Schools Festival aan waar van Suid-Afrika se voorste skolespanne teen skolespanne van regoor die wereld sal deelneem. Die eerste rugbyspan van Boishaai het sedert 2015 nog nie in Suid-Afrika die knie gebuig nie. Die span het wel verlede jaar op toer deur Nieu-Seeland teen Christchurch Boys’ High die knie gebuig. 

Erasmus hert Glenwood in 2008 tot kampioen van die jaarlikse Sanix-toernooi in Japan gebrei. In 2014 het Boishaai onder sy breierskap naelskraaps in die eindstryd van die toernooi teen Hamilton Boys’ High (11-15) die knie gebuig. 

Erasmus sal glo ook vanjaar die SA Skole-span se hoofafrigter wees. Hy was sedert 2015 by die afrigting van die nasionale skolespanne betrokke. Hy was in 2015 die SA Skole-span se hulpafrigter onder Hein Kriek. In 2016 was hy die SA Skole A-span se hoofafrigter en verlede jaar het hy weer ‘n hand by die uitsoekspan bygesit. Die SA Skole-span word sedert 2016 deur Lance Sendin van Hugenote in Wellington gebrei. 

Hoewel daar geen uitsluiting is oor wie die leisels by Boishaai by Erasmus sal oorneem nie, het die skool vroeër vanjaar vir André Tredoux as hulpafrigter aangestel. Erasmus se hulpafrigter die afgelope vier jaar, Elmo Wolfaardt, het einde verlede jaar ‘n pos as hoof van rugby by Klein Boishaai aanvaar. Tredoux was die afgelope paar jaar die Docomo Red Dragons in Japan se verdedigingsafrigter.  

Indien die eerste Saterdag van die 2018 skolerugby-seisoen aan ‘n enkele speler behoort het, sou dit die Hoërskool Florida se heelagter, Tino Swanepoel, se dag gewees het.

Swanepoel, wat verlede jaar ‘n lid van die seëvierende Leeus se Cravenweek-span was, het die Hoërskool Hartbeespoort aan flarde in die NWU-Pukke se Sport-reeks gehardloop.

Hy het vyf van sy span se 13 drieë in sy sege van 81-5 oor Harties gedruk. Dit was dalk nie teen die sterkste teenstand nie, maar die korste afstand wat Swanepoel vir sy vyf drieë afgelê het, was ‘n ongelooflike lopie van 60 meter!

Hy het ook agt van sy span se drieë verdoel om ‘n persoonlike bydrae van 41 punte tot sy span se totaal by te dra.

Diamantveld het op sy tuisveld in Kimberley ‘n vroeë waarskuwing aan die ander spanne in die nuwe Wesgrow Sentrale Skolereeks gestuur. Diamonds het Sentraal in ‘n vriendskaplike wedstryd met 42-7 afgestof. Albei spanne neem aan die reeks deel.

Diamantveld se binnesenter, Handré Bruwer, het met sy skopskoen 17 punte met sewe doelskoppe en ‘n strafdoel aangeteken. Buiten Bruwer het die flanke, Selle Maketlo en Armin de Villiers, uitstekend vertoon.

Die Hoërskool Fichardtpark het op sy jaarlikse sportdag in Bloemfontein vir die Afrikaanse Hoërskool Kroonstad in die hoofwedstryd in ‘n titaniese stryd met 25-23 getroef. Rooiskool het ‘n voorsprong van 13-0 geniet met slegs ses minute se spel oor in die eerste helfte. Fichies het egter terug geveg en rustyd ‘n voorsprong van 13-10 geniet.

Die gasheer se agtsteman, Herman Steenkamp, asook die slot en kaptein, Jaco Snyman, was uitstaande.

Die ander span van Kimberley wat aan die nuwe skolereeks sal deelneem, die Hoërskool Noord-Kaap, het ook op Fichardtpark se sportdag in die Rosestad gewys dat hy ook ‘n aanspraakmaker op die titel sal wees.

Northerns het Louis Botha met 30-10 die loef afgesteek. Die span van die Diamantstad het teen rustyd ‘n skrale voorsprong van 13-10 geniet.

Die wenspan se slot Leo Koortzen was op sy stukke en het ‘n driekuns aan drieë behaal. Agterlangs het die buitesenter, Elzandro Fredericks, ook ‘n uitstaande vertoning opgedis.

Welkom Gimnasium het self vinnig uit die blokke vir die 2018-seisoen gespring. Gimmies het op Fichies se sportdag die Wolramme van Marlow Landbou met 41-7 afgeslag.

Die seisoen is nog in sy babaskoene, maar die Hoërskool Alberton se binnesenter, Jonathan Potgieter, het reeds ses drieë vir die seisoen agter sy naam.

Potgieter het gister in sy span se eerste wedstryd in vanjaar se NWU-Pukke Sport-reeks drie keer agter die doellyn in sy span se gemaklike sege van 51-7 oor Hoërskool Brits. Potgieter het ook verlede week in ‘n vriendskaplike wedstryd teen Oosterlig ‘n driekuns behaal.

Secunda het ook ‘n indrukwekkende sege van 48-7 oor Linden in dié reeks behaal. Standerton se naelskraapse sege van 15-14 oor Riebeeckrand is ook noemenswaardig.

In die Pukke se 16-reeks het die verdedigende kampioen, Pionier van Vryheid, sy aanslag op vanjaar se titel met ‘n sege van 17-3 oor Volskrust bespreek. Leeuwenhof het sy spiere met ‘n wegholsege van 72-14 oor Overvaal gebult.

Waterkloof van Pretoria moes heelwat meer sweet as verwag om Montana met 29-17 in ‘n vriendskaplike wedstryd te troef. Eldoraigne was met 44-36 oor die Hoërskool Middelburg in ‘n opwindende kragmeting baas.

Al die uitslae: 

FICHARDTPARK SPORTDAG

Fichardtpark 25, AHS Kroonstad 23; Noord-Kaap 30, Louis Botha 10; Welkom Gimnasium 41, Marlow Landbou 7; Hoërskool Upington 19, Jim Fouche 10; Landboudal 25, St Andrew 12; Aliwal-Noord 14, Sand du Plessis 8; Riebeeckstad 53, President Steyn 3; De Aar 50, Hoërskool Bloemfontein 0; Brandfort 33, HTS Welkom 21.

NWU-PUKKE 16-REEKS

Pretoria-Noord 24, Stoffberg 5; Delmas 34, Oosterland 21; Leeuwenhof 72, Overvaal 14; Pionier 17, Volksrust 3; Ferrum 20, Piet Retief 12; Schoonspruit 29, Vryburg 29; Fochville 22, Wolmaransstad 17.

NWU-PUKKE SPORT-REEKS

Florida 81, Hartbeespoort 5; Standerton 15, Riebeeckrand 14; Hoërskool Alberton 51, Hoërskool Brits 7;
Bastion 37, Dr. Malan 15; Secunda 48, Linden 7; Hans Moore 38, Hoogenhout 24.

NWU-PUKKE REEKS

Ben Vorster 30, Frikkie Meyer 27.

SUPER-REEKS

Brandwag (Benoni) 41, Dinamika 5; Die Wilgers 19, General Hertzog 17.

VRIENDSKAPLIK

Waterkloof 29, Montana 17; Eldoraigne 44, Hoërskool Middelburg 36; Wonderboom 37, Oosterlig 7; Diamantveld 42, Sentraal 7; Die Anker 20, Hugenote (Springs) 13; Randburg 43, Bekker 39; Hoërskool Rustenburg 25,HTS Middelburg 24; Frans du Toit 24, Lowveld High 23; Morgenzon Landbou 32, Uplands College 3; Bergsig Akademie 37, Ellisras 22; Lichtenburg 52, Wesvalia 17; Jeugland 22, Driehoek 20; Paulus Joubert 31, Trelew (Argentinië) 5.

Die Hoër Landbouskool Oakdale se eerste rugbyspan sal vanjaar op die eerste dag van die skool se jaarlikse rugbyweek net buite Riversdal in die hoofwedstryd teen die Cherries van Grey-kollege te staan kom. 

Die Cherries sal wel meer ‘n tweede groep spelers van Grey-kollege as ‘n volwaardige tweede span wees, maar kan glad nie onderskat word nie. Die tweede en derde dag van die week se bepalings word na afloop van elke dag se spel bekend gemaak. 

Die vernaamste voorwedstryd van die eerste dag tussen Voortrekker van Bethlehem en St Charles College van Pietermaritzburg behoort ook ‘n interresante kragmeting te wees. St Charles College se Petrus du Plessis het twee jaar gelede nog die Trekkers se eerstespan gebrei. 

Daar sal ook vanjaar ‘n saamtrek vanuit die Noordwes wees. Nie minder as vyf skole vanuit die Luiperds sal vanjaar op die week in aksie wees. Hulle is Lichtenburg, Potchefstroom Gimnasium, Hoërskool Rustenburg, Hoërskool Klerksdorp en Wesvalia. 

Daar sal ook soos in die verlede ‘n Span van die Week na afloop van die week bekend gemaak word. Die span speel nie ‘n wedstryd nie, maar dit gee erkenning aan die spelers wat tydens die week die beste vertonings in hul posisie gelewer het. 

Die bepalings is: 

Eike-veld 

Hermanus vs Jeugland
Potchefstroom Gimnasium vs Duineveld
Lichtenburg vs Wilgerivier
Augsburg Gimnasium vs Montagu
Hoërskool Upington vs Wesvalia
Diamantveld vs Zwartkop
Hoërskool Klerksdorp vs Brandwag (Uitenhage)
Voortrekker (Bethlehem) vs St Charles College 
Oakdale Landbou vs Cherries (Grey College)

Populierbos-veld

De Aar vs Labori
Overberg vs Strand
Robertson vs Landboudal
Hoërskool Bellville vs Hoërskool Rustenburg
Langenhoven Gimnasium vs Oosterlig
Kempton Park vs Hugenote (Wellington)
Old Mutual Agri XV vs Bredasdorp

Die kampioen van die TuksSkole-reeks, die Hoërskool Monument van Krugersdorp, sal sy aanslag op vanjaar se titel in Vanderbijlpark teen Transvalia loots. Die wedstryd sou in die afgelope paar jaar nie Monumentare te veel slapelose nagte verskaf het nie, maar die span van Transvalia sal vanjaar nie ‘n maklike neut wees om te kraak nie. 

Monnas het verlede jaar vir EG Jansen met 50-13 in die eindstryd van die kompetisie verslaan. Die span van Krugersdorp sal vanjaar daarna mik om vir die derde agtereenvolgende jaar met die titel as kampioen weg te stap. Hy behoort sterk teenstand van Menlopark, Garsfontein en EG Jansen vir die titel te kry. Menlopark het vanjaar twee Virsekerbeker-kampioen groepe om sy eerstespan vanuit te kies. 

Menlopark se o.16- en o.14-spanne is die verdedigende kampioen in die onderskeie ouderdomsgroepe, terwyl Transvalia in die o.15-afdeling die verdedigende kampioen is. Monument se o.14-, o.15- en o.16-spanne het verlede jaar in die eindstryd oor die laaste hekkie gestruikel. 

Spanne is vanjaar in slegs twee groepe verdeel. Na die rondomtalie-fase van die kompetisie sal die spanne mekaar op 5 Mei in die eindstryd mekaar in die LC de Villiers-stadion pak. 

Die Groepe: 

Groep A	Groep B
EG Jansen	Hoërskool Garsfontein
Menlopark	Monument
Hoërskool Nelspruit	HTS Middelburg
Hoërskool Rustenburg	Transvalia
Eldoraigne	Hoërskool Pietersburg
	Kempton Park

Die bepalings is (tuisspanne eerste vermeld): 

10 Maart 2018 

EG Jansen vs Hoërskool Nelspruit
Menlopark vs Hoërskool Rustenburg
Garsfontein vs HTS Middelburg
Transvalia vs Monument
Hoërskool Pietersburg vs Kempton Park

17 Maart 2018 

Hoërskool Nelspruit vs Menlopark
Hoërskool Rustenburg vs Eldoraigne
Monument vs Hoërskool Pietersburg
HTS Middelburg vs Transvalia
Garsfontein vs Kempton Park

24 Maart 2018 

Eldoraigne vs Menlopark
EG Jansen vs Hoërskool Rustenburg
Kempton Park vs Monument
HTS Middelburg vs Hoërskool Pietersburg
Transvalia vs Garsfontein

14 April 2018

Eldoraigne vs EG Jansen
Hoërskool Rustenburg vs Hoërskool Nelspruit
Monument vs HTS Middelburg
Transvalia vs Kempton Park

21 April 2018

Menlopark vs EG Jansen
Hoërskool Nelspruit vs Eldoraigne
Hoërskool Pietersburg vs Transvalia
Monument vs Garsfontein
Kempton Park vs HTS Middelburg